FATEHA KA TARIKHA

Isale Savab Ka Tarikah

Isale Savab(yani savab pahunchane) ke liye dil me niyath kar lena kafi hai,maslan Aap ne kisi ko ek rupiya khairath diya ya ek bar darood sharif pada ya kisi ko ek sunnath batayi ya kisi par infiradi koshish karte hue neki ki dawat di ya sunnaton bhara bayan kiya.algaraz koi bi nek kam kiya Aap dil hi dil me iss tarha niyyat kar lijiye maslan: "abi main ne jo sunnat batayi iss ka savab sarkare madina Sallallahu Alaihi O Sallam ko pahunche"Insha Allah Azzawajal savab pahunch jayega.mazid jin jin ki niyath karenge un ko bi pahunchega.dil me niyath hone ke sath sath zaban se kahlena bi achcha hai ki ye sahabi Raziyallahu Tala Anha se sabith hai jaisa ki hadise Saad Raziyallahu Tala Anhu me guzara ki unhone khuAA khudava kar farmaya Hazali ummi Saad yani"Ye umme Saad ke liye hai"

Isale Savab ka Muravvaja tarikha

Aaj kal musalmano me khususan khane par jo fateha ka tarikha rayij hai voh bi bahuth achcha hai.jin khano ka isale savab karna hai voh sare ya sab me se thoda thoda khana nij ek gilas me pani bhar kar sab kuch samne rakh lijiye.

Aab:

Aauzubillahi Minash'Shaitan-Nirrazim

Pad kar Ek bar:

Bismillahirrahaman nirrahim
khul yaa ayyuhal kafiruna.Laa Abudu ma tabuduna.
Valaa Antum abiduna maa Aabudu.Valaa Aana Abidum Maa Abadttum.
Valaa Antum Abiduna Maa Aabudu.Lakum dinakum valiAddin.

Tin Bar:

Bismillahirrahaman nirrahim
Khul'HuVallahu Aahad.Allahussamad.
Lamyalid.ValamYulad.ValamYakullahu Kufuvan Aahad.

Ek Bar:

Bismillahirrahaman nirrahim
Khul Aauzubirabbil falakh.
Minsharri Ma Khalakh.
O Min Sharri Ghaasikhin Iza wakhab.
wa min sharrin Naffasati feel Ukhudi.
Wa min Sharri hasidin izaa hasad.

Ek Bar:

Bismillahirrahaman nirrahim
Khul Aauzu birabbin nasi.
Malikin Nasi.Ilahinnasi.
Min Sharril Vasvasil Khannasil.
Lazi Yuvasvisu fee Sudurinnasi.
Minal Jinnati Vannas.

Ek bar:

Bismillahirrahaman nirrahim
Alhamdulillahi Rabbil Alaminar.
rahama'nirrahim.Maliki Yomiddin.
Yiyaka nabudu va yiyaka nastayin.
yihdinas'siratal mustakhim.
Siratallazina Anamta Alaihim gairil Magzubi Alaihim valad'Dalin.

Ek bar:

Bismillahirrahaman nirrahim
Aliflaam'Miiim.Zalikal kitabu laraiba.
feee.Hudallilmuttakhi.
nallazina yuminuna bilgaibi va yukhimunas salavta va mimma razakhnahum yunfikhoon.
vallazina yuminuna bimaa unzila ilaika vama unzila min khablika.
O bil Akhirati hum yukhinun.Ulaayika Alaahudam Mirrabbihim Va Ulaayika humul muflihun.

Pad ne ke baad ye panch ayath padiye:

Va Yilahukum Illahauon Vahid.LaA Yilaha Illa Huvarrahmanurrahim.

Inna Rahamatallahi Khariboom Minal Muhsinin.

Vaama Arsalnaka Illa Rahamatal Lil'alamin.

Maakana Muhammadun AabaaA Aahadim Mirrijalikum Valakir'Rasoolallahi Va Khataman nabiina Va Kanallahu Bikulli Shaiyin Aliima.

Innallaha Va Maalayikatahu Yu Salluna Alan Nabiyi. Ya Ayyuhal'Lazina Amanu Sallu Alaihi Va Sallimu Taslima.

Abb Darood Sharif padiye:

Sallallahu Alannabiyil Ummihi Va Alihi Sallallahu Alaihi Va sallam Salataon va salaman Alaika Ya Rasoollalla

Iss ke bad ye ayath padiye:

Subhana Rabbika Rabbil Yizzati Aamma Yasifoona. Va Salamum Alaal mursalin.valhamdu lillahi Rabbil Alamin.

Aab Fatiha padne vala hath utha kar buland Avaz se "Al Fatiha" kahe.sab log ahista se yani ithni avaz se ki sirf khud sune Surat Ull Fateha pade.Aab Fateha padne vala iss tarah yelan kare: "Islami Bhaiyon.Aap ne jo kuch pada hai uss ka savab muje de dijiye" tamam hazirin kah de:"Aap ko diya" Aab Fatiha padne vala isale savab kar de.

Aala Hazrath Rahamath ullahi tala Alaih Ka Fatiha ka tarikha

Isale savab ke alfaz likhne se khabal imame ahle sunnath Aala Hazrath Maulana Shaa Ahmed Raza Khan Alaihi Rahamatur Rahaman Fateha se kaabl jo suraten vagaira padte the voh bi tahrir ki jati hai:

Ek bar:

Bismillahirrahaman nirrahim
Aalhamdu lillahir Rabbil Alaminar Rahmanir rahim.
maliki Yomiddin.Yiyaka nabudu va Yiyaka nastayin.
yihdinas siratal mustakhim.Siratallazina An Amta alaihim
gairil maagdubi alaihim Valad Dalin.

Ek bar:

Bismillahirrahaman nirrahim
Allahu LaAA Yilaha Yilla Huva.Alhayyul Khaiyyum.
Latakhuzuhu sinaton vala naum.lahu mafis samavathi va mafil Ard.
manzallazi yashfaoo indahu illa biyizni.
yalamu ma baina Aydihim vama khalfahum.
vala yuhituna bi shaiyim ilmihi illa bimaShaaAA VasiAA kursiyuhus samavati val ard.
vala yaOOduhu hifzuhuma.va huval Aliyul Azeem.

Tin Bar:

Bismillahirrahaman nirrahim
Khul'HuVallahu Aahad.
Allahussamad.Lamyalid.
ValamYulad.ValamYakullahu Kufuvan Aahad.

Isale Savab ke Liye Dua Ka Tarikha

YA ALLAH Azzawajal.jo kuch pada gaya(agar khana vagaira hai to iss tarha se bi kahiye)aur jo kuch khana vagaira pesh kiya gaya hai uss ka savab hamare  nakis amal ke layik nahi balki apne karam ke shayane shaan marhamath farma.aur use hamari janib se apne yaire mahaboob,dayaye ghuyub Sallallahu Alaihi O Sallam ki bargah me nazar pahuncha sarkare madina Sallallahu Alaihi O Sallam ke tavassut se tamam ambiya kiram Alaihimus salam tamam sahabaye kiram Alaihimur Rizvan tamam Auliya yizam Rahima humulas salam ki janab me nazr pahuncha.sarkare madina Sallallahu Tala Alaihi Va Aalihi Va sallam ke tavassuth se syeduna ADAM Safiyullah Aala Nabiyina Va Alaihis salatu Vassalam se lekar abb tak jithne insan va jinnath musalman huye ya khiyamath tak hongen sab ko pahuncha.iss dauran behtar ye hai ki jin jin buzurg ko khususan yisale savab karna hai un ka naam bhi lete jayiye.apne maa baap aur digar rishtedaron aur apne piro murshid ko bhi naam ba naam yisale savab kijiye.(fauth shudgan me se jin jin ka naam lete hain un ko khushi hasil hoti hai agar kisi ka bhi naam na len sirf ith-na hi kah len ki YA ALLAH.iss ka savab Aaj tak jithne bhi Aahle Imaan huye un sab ko pahuncha tab bhi har ek ko pahuch jayega.Insha Allah Azzawajal.

Aab Hasbe mamul DUA khatam kar dijiye.(Aagar thoda thoda khana aur pani nikala tha to voh dusre khano aur pani me dal dijiye).

KHANE KI DAVATH KI AHAM YEHTIYATH

Jab bhi Aap ke yahan niyaz ya kisi khism ki takrib ho,jamath ka vakht hote hi koi maneye sharyi na ho to infiradi koshish ke zariye tamam mehmano sameth namaz ba jama-ath ke liye masjid ka rukh kijiye.balki yese Aavkhat me davath hi math rakhiye ki bich me namaz aye aur susti ke bayis Mazallah Azzawajal jama-ath fauth ho jaye. do pahar ke khane ke liye bad namaje johar aur sham ke khane ke liye bad namaze isha mehmano ko bulane me ghaliban ba jama-ath namazon ke liye Aasani hai.Mezban,bavarchi,khana taksim karne vale vagaira sabhi ko chahiye ki jun hi namaz ka vakht ho,sara kam chod kar ba jama-ath namaz ka yehtimam karen.buzurgon ki"niyaz ki davath" ki masrufiyath me ALLAH Azzawajal ki"namazen ba jama-ath" me kotahi bahuth badi maa'siyath hai.

Marhum Rishtedar ko Khwab me dekhne ka tarikha:

Hazrate Allama Abu Abdullah Mohammed Bin Ahmed Maliki Kurtubi Alaihi Rahamath Ullahil Khavi Nakal karte hain: Hazrate Sayyiduna hasan basri Alaihi Rahamath Ullahil Khavi ki khidmate Ba barkat me hajir ho kar ek aurat ne arz ki: meri javan beti faot ho gayi hai,koi tarikha irshad ho ki mai use khab me dekh lun.Aap Rahamatullahi Tala Alaih ne use Amal bataya.uss ne apni marhuma beti ko khwab me to dekha,magar iss hal me dekha ki uss ke badn par tarkol(yani Damar)ka libas,gardan me zanjir aur paon me bediyan hai.Ye haibath nak manzar dek kar voh aurat kaanp uthi.usne dusre din hazrate sayyiduna hasan basri Alaihi Rahamath Ullahil Khavi ko khwab sunaya,sun kar Aap Rahamat Ullahi Tala Alaih bahut maghmum huye.kuch arse bad hazrate sayyiduna hasan basri Alaihi Rahamath Ullahil Khavi ne khwab me ek ladki ko dekha,jo jannat me ek takht par apne sar par taj sajaye baithi hai.Aap Rahamat Ullahi Tala Alaih ko dekh kar voh kahne lagi: "main usi khatoon ki beti hun,jis ne Aap ko meri halat batayi thi" Aap Rahamat Ullahi Tala Alaih ne Farmaya:Uss ke bakhol to tu Aazab me thi,Akhir ye Inkhilab kis tarha Aya? Marhum boli:Khabristan ke kharib se ek shaks guzara aur uss ne mustafa jane rahmath,shammaye bazme hidayat,noshaye bazme jannath,mambaye judo sakhvat,sarapa fazlo rahmat Sallallahu Tala Alaihi Va Alihi Va Sallam par darood bheja,uss ke darood sharif padne ki barkat se Allah Azzawajal ne ham 560 khabar valon se Azab uthaliya.ALLAH Azzawajal ki un par rahamat ho aur un ke sadke hamari be hisab magfirath ho.

Islami Bhaiyon.iss hikayat se malum hua ki pahale ke musalmano ka buzurgane din Rahimahumullahul Mubin ki taraf khub ruzuA tha,Un ki barkaton se logon ke kam bhi ban jaya karte the,ye bhi mamul hua ki marhum Azizon ko khwab me dekhne ka mutalab karne me sakht imtihan bhi hai ki agar marhum ko Azab me dekh liya to pareshani ka samna hoga.iss hikayat se Yisale savab ki zabar dast barkat bhi janne ko mili aur yeh bhi pata chala ki sirf Ek bar darood Sharif pad kar bhi yisale savab kiya ja sakta hai.allah Azzawajal ki be paya rahamaton ke bhi kai kahne.ki agar voh ek darood sharif hi ko kabul farma le to uss ke Yisale savab ki barkat se sare ke sare khabristan valon par bhi agar azab ho to utha le aur un sab ko inAmo Ikram se malamal farma de.

Islami Bhaiyon.Jin ke validen ya un me koi ek fauth ho gaya ho to un ko chahiye ki un ki taraf se gaflat na karen,un ki kabron par hajiri bhi dete rahe aur Yisale savab bhi karte rahe.iss zimn me 5 faramine mustafa.Sallallahu Alaihi O Sallam Mulahaza farmayiye:

1.MAKHBOOL HAJ KA SAVAB

Jo ba niyyath savab apne baliden dono ya ek ki khabr ki jiyarat kar,Hajje Makhbool ke barabar savab paye aur jo ba kasrat in ki khabr ki jiyarat karta ho,firishte uss ki khabr ki(yani jab ye fauth hoga)jiyarat ko ayen.

2.DAS HAJ KA SAVAB

Jo apni maa ya baap ki taraf se haj kare un(yani Maa ya Baap)ki taraf se haj ada ho jaye,ise(yani haj karne bale ko)majid das haj ka savab mile.

Subhanallah Azzawajal.jab bhi nafli haj ki saAdath hasil ho to fauth shuda Maa Ya Baap ki niyyath kar lijiye taki un ko bhi haj ka savab mile,Aap ka bhi haj ho jaye balki mazid das haj ka savab hath aye.agar Maa Baap me se koi iss hal me fauth ho gaya ki un par haj farz ho chukne ke bavajud voh na kar paye the to Aab Aulad ko hajje badal ka sharaf hasil karna chahiye.

3.VALIDAIN KI TARAF SE KHAIRAT

 Jab tum me se koi kuch nafal khairath kar to chahiye ki usse apne maa Baap ki taraf se kare ki iss ka savab unhe milega aur iss ke (yani khairath karne vale ke) savab me koi kami bhi nahi ayegi.

4.ROZI ME BE BARKATI KI VAJAH

Banda jab Maa Baap ke liye dua tark kar deta hai uss ka lizkh khata to jata hai.

5.JumuA ko jiyarate Khabr ki fazilat

Jo shaks jumua ke roz apne validain ya in me se kisi ek ki kabr ki jiyarath kare aur uss ke pas sura e yasin pade bakhsh diya jaye.

KAFAN FAAT GAYA

Islami bhaiyon.Allah Azzawajal ki rahamat bahut badi hai,jo musalman dunya se rukhsat ho jate hain un ke liye bhi uss ne apne fazlon karam ke darvaze khole hi rakhe hain.Allah Azzawajal ki rahamate be paya se mutallik ek iman afroz hikayat padiye aur jhumiye.Chunanche Allah Azzawajal ke nabi hazrate sayyiduna Armiya Ala Nabiyina Va Alaihis Salatu Vassalam kuch yesi khabron ke pas se guzare jin me azab ho raha tha.ek sal bad jab fir vahi se guzar huva to azab khatam ho chuka tha.Aap Ala nabiyina va Alahissalam ne bargahe khuda vandi Azzawajal me arz ki:ya Allah Azzawajal.kai vajah hai ki pahale in ko azab ho raha tha abb khatam ho gaya? Avaz Ayi:"Ye Aramiya.in ke kafan faat gaye,bal bikhar gaye aur khabron mit gayi to maine in par raham kiya aur yesa logon par main raham kiya hi karta hun"

KARAM KE TIN HURUF KI NISBATH SE

Yisale savab ke 3 Iman Afroz fazail

1.DUA'VON KI BARKAT

MADINE ke sultan Sallallahu Alaihi O Sallam ka farmane magfirath nishan hai: meri ummat gunah samet khabr me dakhil hogi aur jab nikalegi to be gunah hogi kuin ki voh muaminin ki dua'von se bakhsh di jati hai.

2.YISALE SAVAB KA INTIZAR

Sarkare namdar Sallallahu Alaihi O Sallam ka irshade mushkbar hai:Murde ka hal khabr me dubte huye insan ki manind hai ki voh shiddat se intizar karta hai ki baap ya maa ya bhai ya kisi dost ki dua iss ko pahunche aur jab kisi ki dua use pahunchti hai to uss ke nazdik voh dunya va maa fiha(yani dunya aur iss me jo kuch hai)se behtar hoti hai.Allah Azzawajal Khabr valon ko un ke jinda mutallikhin ki taraf se hadiya kiya huva savab pahadon ki manind Ata farmata hai,jindon ka hadiya(yani tohfa)murde ke liye duaye magfirat karna hai.

RUHE DHARON PAR AKAR YISALE SAVAB KA MUTALA KARTI HAI.

Islami Bhaiyon.malum huva marne vale apni khabron par ane jane volon ko pahchante hain aur unhen jindon ki duaon se faida pahunchta hai,jab jinda logon ki taraf se Yisale savab ke tohfe Aana band hote hain,to un ko agahi hasil ho jati hai aur Allah Azzawajal unhen izajat deta hai to dharon par ja kar Yisale savab ka mutalab bhi karte hain.mere Aka Aala hazrat Imam e Ahle sunnat mujaddide dino millat maulana shaa imam Ahmad raza khan Alaihi Rahamatur Rahaman Fatava Razviya(mukharraja)jild 9 Safha 650 par nakal karte hain: "garayib" aur "khazana" me mankhul hai ki muaminin ki ruhen har shabe Jumua(yani jumma rath aur jumua ki darminani rath)roze Eid,roze Ashura aur shabe barath ko apne ghar Aakar bahar khadi rahti hai aur har ruh ghamnak buland avaz se nida karti(yani pukar kar kahti)hai ki ye mere ghar balon.ye meri Aulad,Ye mere Kharabat daron.(hamare Yisale savab ki niyyath se)sadka(khairath)kar ke ham par mehrbani karo.

3.DUSRON KE LIYE DUA E MAGFIRATH KARNE KI FAZILAT

Farmane MUSTAFA Sallallahu Alaihi O Sallam:Jo koi tamam mominin mard aur Aurath ke liye dua e magfirat karta hai,Allah Azzawajal uss ke liye har mominin mard va aurath ke yivaz ek neki likh deta hai.

Arbo Nekiyan Kamane Ka Asan Nuksa Mil Gaya

Islami Bhaiyon.Jhum jayiye.arabon,Kharbon nekiyan kamane ka Asan nuskha haath Aagaya.zahir hai iss bakht ruhe jamin par karodon musalman maujud hain,aur karodon balki arbon dunya se chal base hain.agar ham sari ummat ki magfirath ke liye dua karenge to Insha Allahi Azzawajal hame arabon,kharabon nekiyon ka khazana mil jayega.main apne liye aur tamam muminin va muaminath ke liye dua tahrir kar deta hun(Avval Akhir darood sharif pad lijiye)Insha Allah Azzawajal dheron nikiyan hat ayengi




Yani Ye Allah.Meri aur har mominin va momina ki magfirath farma

Aap bhi upar di huyi dua ko arabi ya urdu ya dono zabanon me abhi aur ho sake to rozana panchon namazon ke bad bhi padne ki Aadath bana lijiye.

NOORANI LIBAS

Ek buzurg ne apne marhum bhai ko khwab me dekh kar pucha:kai jinda logon ki dua tum logon ko pahunchti hai?marhum ne javab diya:"haan Allah Azzawajal ki kasam.voh noorani libas ki surath me ati hai use ham pahan lete hain"

NOORANI TABAKH

Mankul hai.Jab koi shaks mayyith ko Yisale savab karta hai to hazrate Jibrayil Alaihis Salam use NOORANI TABAKH me rakh kar khabr ke kanare khade ho jate hain aur kahate hain:"Ye Khabr vale.Yeh hadiya(yani Tofah)tere ghar valon ne bheja hai khabul kar" Yeh sun kar voh khush hota hai aur uss ke padosi apni mahrumi par ghamgin hota hai.

MURDON KI TADATH KE BARABAR AJAR

Farmane MUSTAFA Sallallahu Alaihi O Sallam:Jo Khabristan me gairah[11] bar Sura E Ikhlas pad kar murdon ko iss ka Isale Savab kare to murde ki tadad ke barabar Yisale savab karne vale ko iss ka Ajar milega.

SAB KHABR VALON KO SIFARISHI BANANE KA AMAL

Sultane do jahan,shafiye mujriman Sallallahu Alaihi O Sallam ka farmani shafaAth nishan hai:"Jo shaks kahbristan me dakhil huva fir uss ne Sura E Fatiha,Sura E Ikhlas aur Suar e Attakasur padi fir ye dua mangi:Ya ALLAH Azzawajal.main ne jo kuch QURAN pada uss ka savab iss kabristan ke momin mardon aur momina auraton ko pahuncha.to voh sab ke sab khiyamat ke roz iss(yani Yisale savab karne vale)ke shifarishi hongen".

Sura E Ikhlas ke Yisale Savab Ki Hikayath

Hazrate Sayyiduna Hammad makki Alaihi Rahamath Ullahil Khavi Farmate hain: main ek raat Makka E Mukarrama Zadahallahu Sharafaon Va Tazima ke khabristan me so gaya. kai dekhta hun ki khabr valon halka dar halka khade hain,main ne un se istifasar kiya(yani pucha):kai khiyamath khayim ho gayi?unhone kaha:nahi,bath dar Asal ye hai ki ek musalman bhai ne Sura E Ikhlas pad kar ham ko Yisale Savab kiya to voh savab ham ek sal se taksim kar rahen hain

UMME SAAD RAZIYALLAHU TALA ANHU KE LIYE KUVAN

Hazrate sayyiduna Saad bin Ubaid Raziyallahu Tala Anhu.ne arz ki:Ya Rasoollullah Sallallahu Alaihi O Sallam.meri Maa Intikhal kar gayi hai(main un ki taraf se sadkha(yani khairath)karna chahta hun)kon sa sadkha afzal rahega?sarkar Sallallahu Alaihi O Sallam ne farmaya: "pani"chunanche unhone ek Kuvva khudvaya aur kaha:Hazal lummi Saad(yani "Ye Umme Saad") Raziyallahu Tala Anhu ke liye hai".

GHOUSE PAAK KA BAKRA KHANA KAISA?

Islami Bhaiyon.Sayyiduna Saad Raziyallahu Tala Anhu ke iss Yirshad: "Ye Umme Saad(raziyallahu Tala Anhu)ki Maa ke Yisale Savab ke lilye hai.iss se ye bhi Malum hua ki Musalmano ka gay Ya Bakra vagaira ko buzurgon ki taraf mansub karna maslan yeh kahna ki "Ye sayyiduna Ghouse paak Rahamath Ullahi Tala Alaih ka bakra hai" iss me koi harj nahi ki iss se murad bhi yehi hai ki ye bakra ghouse paak Alaihi Rahamatur Razzaq ke Yisale savab ke liye hai.khurbani ke janvar ko bhi to log ek dusre hi ki taraf mansub karte hain,maslan koi apni kurbani ka bakra liye chala Aaraha ho aur agar Aap us se puche ki kis ka bakra hai? to uss ne kuch iss tarah javab dena hai, "mera bakra hai" ya "mere Mamu ka bakra hai" jab ye kahne vale par Yetiraz nahi to "ghouse paak ka bakra" kahane vale par bhi koi Yetiraz nahi ho sakta.hakikath me har shai ka malik ALLAH Azzawajal hi hai aur kurbani ka bakra ho ya ghous e paak ka bakra,zabah ke vakht har zabah par Allah Azzawajal ka hi naam liya jata hai.

ALLAH Azzawajal vasvason se najat bakhshe.