Bavasir Ka Ilaj - Treatment of Hemorrhoids

Zaitun Se Bavasir(Hemorrhoids) Ka Ilaj

Hadis Sharif me hai ki : Zaitun ka tel Khavo use lagavo ki ye mubarak darakht se hai. aur iss me sattar(70) Bimarion ki shifa hai Jin me zakham (Injury) bhi hai iss me bavasir-Hemorrhoid ko bhi shifa hai.(mirAat,j.6,s.226) Zaitoon ka tel baghair pakaya khana faida mand hota hai aur ye klostrol ko bhi kam karta hai.Lihaza kachcha istimal kiya gaya.Kachcha khane me kisi kism ki bad mazgi nahi hoti,khana khate waqht apni rikabi me chaval,salan baghaira nikal kar chamcha se zaitun sharif ka tel dal kar shokh se tanawul farmayiye.

Anjeer se Dried Piles(Khushk Bavasir) Ka Ilaj

Agar taklif zaida ho to shahad ke sharbat (yani shahad mile pani) ke saat rozana nahar muh panch adada khushk anjeer kha lijiye.Musalsal iss tarikhe par amal karne se Insha Allah Azzawajal char maah se le kar das maah ke arse me bavasir-hemorrhoid ke masse khushk ho jayenge(Ye tarike ilaj khooni bavasir(Bleeding hemorrhoids) ke liye bhi mufid hai) Agar Hemorrhoid me taklif kam aur bad hazmi zaida ho to har bar khana kane se Aadha ghanta kabl khushk Anjeer tin adad kha lijiye.agarche hemorrhoids na bhi ho yun hi pet me bhoj hota ho tab  bhi har bar khana khane ke baad tin adad anjeer tanaull farmayiye.

Khooni Bavasir(Bleeding Hemorrhoids) Ke 4 Ilaj

1. 6 Maah tak rozana tin Anjeer aur itne hi vazan ka adrak ka murabba nahar muh khayiye.Insha allah Azzawajal Hemorrhoids me yani bavasir me faida ho jayega.
2. 5 Anjeer ke tukde kar ke munasib mikdar  me dood ke andar paka lijiye aur thanda kar ke sote waqht kha lijiye.Ye Bleeding hemorrhoids yani khooni bavasir ka tajriba shuda ilaj hai.Insha Allah Azzawajal khoon (bleeding) band ho jayega. Ta husule shifa jari rakhiye agar mustakil istimal karen tab bhi Insha Allah Azzawajal faida hi faida hai.Anjeer ki tadad kam zaida bhi ka sakte hain.
3. Pomegranate ka (yani Anar ka) shilka sukha kar barik pis kar botal me mahfuz kar lijiye aur subah va sham 6 masha(yani takriban 6 gram) taza pani se nigal lijiye,Insha Allah Azzawajal Khooni Bavasir (Bleeding Hemorrhoids) durust ho jayegi.
4. Nim ke  darakht se jo paki huyi"Niboliyan" gir padti hai vo rozana 12 adad chilka utar kar kha liya karen, musalsal khate rahane se Insha Allah Azzawajal Bavasir(Hemorrhoid) me fayda hoga aur khoon(Blood) bhi saaf hoga.