JASHNE EID MILADUN NABI

Khatamul Mursalin,Shafiul Mujnibin,Anisul Gharibin,Sirajussalikin,Mahabube Rabbul Aalamin,Janabe Sadikho Ameen Sallallahu Alaihi O Sallam Kharare har kalbe mahazuno ghamgin ban kar 12 Rabiunnoor Sharif ko Subhe Sadiq ke vakhat jahan me tashrif laye aur Aakar be sharon,gham ke maron,dukhyaron,Dil figaron aur Dar Dar ki Thokaren khane vale becharon ki Shaame Gharibon ko "Sube Bahara"Bana Diya.

Musalmano.Sube Bahara Mubarak
Voh Barsate Anwar Sarkar Aaya(Vasayile Bakhshish Sa.479)

MOJIZATH

12 Rabiyunnoor Sharif ko ALLAH Azzawajal ke noor Sallallahu Alaihi O Sallam ki dunya me jalva gari hote hi Kuffro Zulmat ke badal Chat gaye,Shaahe Iran"Kisra" ke mahal par Zalzala Aaya,Chauda Kunguren jir gaye.Iran ka jo Atash kada ek hazar saal se shola zan tha voh buz gaya,dariyaye savah khushk ho gaya,Kaabe ko Vazd Aagaya,Aur Buth Sar ke bal girpade.

Teri Aamad Thi ki Baitullah Mujre ko Jhuka.
Teri Haibath Thi Ki Har Buth TharThara Kar Gir Gaye(Hadayike Bakshish,Sa.41)

Tajdare Risalat Sallallahu Alaihi O Sallam Jahan me Fazlon Rahamat ban kar tashrif laye aur Yakhinan ALLAH Azzawajal ki RAHAMAT ke nuzul ka din khushi va musarrat ka din hota hai.Chunanche Aallah Tabarak Va Tala Irshad Farmata hai:

 Tarzuma E Kanzul Imaan:

Tum Farmavo Allah Azzawajal hi ke Fazal
Aur usi ki Rahamat Aur Isi par Chahiye
Ki Khushi karen.Voh un ke Saab Dhan
Dolat se Behtar hai.




ALLAHU AKBAR.Rahamate KhudaVandi par Khushi manane ka Quran E Karim Hukm de raha hai aur kai hamare pyare Aaka Sallallahu Alaihi O Sallam se bad kar bhi koi Allah Azzawajal ki rahamat hai? dekhiye mukhaddas Quran me Saaf Saaf Yelan hai:

Tarjuma E Kanjul Imaan:

Aur Ham ne Tumhen na Bheja
Magar Rahamat Sare Jahan ke Liye.

SHABE KHADAR SE BHI AFZAL RAAT

Hazrate Sayyiduna Sheik Abdul Haq Mohaddis Dehalvi Alaihi Rahamath Ullahil Khavi Farmate hain, "Beshak Sarvare Aalam Sallallahu Alaihi O Sallam ki Sahbe Viladat Sabe Khadr se Bhi Afzal hai.kuin ki sabe viladat sarkare madina Sallallahu Alaihi O Sallam ke iss dunya me jalva jar hone ki raat hai jaab ki Lailatul Khadr Sarkar Sallallahu Alaihi O Sallam ko Aata karda Shab hai aur Jo raat zuhure zate sarvare kayinath Sallallahu Alaihi O Sallam ki vajah se musharraf ho voh uss raat se zaida sharf va izzath vali hai jo malayika ke nuzul ki bina pa musharraf hai.

EIDON KI EID

Alhamdulillah Azzawajal 12 Rabiunnoor Musalmanon ke liye eidon ki bhi eid hai.yakhinan Huzure Anwar Sarvar Sallallahu Alaihi O Sallam jahan me shahe baharon bar ban kar jalva gar na hote to koi eid hoti,na koi Shab,shabe barath.Balki kono makan ki tamam tar ronak va shaan iss jane jahan,rahamate Aa-Lamiyan,Sayyahe la makan,Mahabube Rahaman Sallallahu Alaihi O Sallam ke Khadmo ki Dhul ka Sadkha hai.

Voh Jo Na The To Kuch Na Tha Voh Jo Na Ho To Kuch Na Ho
Jaan Hai Voh Jahan Ki Jaan Hai To Jahan Hai (Hadyike Bakhshish,Sa.126)

ABU LAHAB AUR MILAD

Jab Abu lahab mar gaya to uss ke baaz Ghar valon ne use khwab me bure haal me dekha.pucha, "kai mila?" Bola:Tum se juda ho kar mujhe koi kair nasib na huyi.fir apne Anghute ke niche maujud surakh ki taraf ishara karte huve kahane laga:Sivaye iss ke,ki iss me se mujhe pani pila diya jata hai kuin ki mai ne Suvaiba Londi ko Azad kiya tha.

hazrate Allama Baddrudin Yeni Alaihi Rahamat Ullahi Farmate hain:iss ishare ka matlab yeh hai ki muje thoda sa pani diya jata hai.

MUSALMAN AUR MILAD

Iss Rivayat ke Tahat Sayyiduna Shaik Abdul Haq Muhaddis Dehlvi Alaihi Rahamath Ullahil Khavi Farmate hain:Iss Vakhiye me milad Sharif volon ke liye badi dalil hai jo tajdare risalat Sallallahu Alaihi O Sallam ki Shabe viladat me khushiyan manate aur maal kharch karte hai,Yani Abu Lahab jo ki Kafir Tha jab Voh Tajdare Nabuvat Sallallahu Alaihi O Sallam ki viladath ki khabar pa kar khush hone aur apni londi(suvaiba)ko dood pilane ki khatir Aazad karne par badla diya gaya.To uss musalman ka kai hal hoga jo Mohabbat aur Khushi se bhara huva hai aur mal kharch kar raha hai.lekin yeh zaruri hai ki mahfile milad sharif gane bazon se aur alate musikhi se paak ho.

JASHNE VILADATH KI DHUM MACHAYIYE

Mere islami bhaiyon.Dhoom Dham se Eide Milad manayiye ki jab Abu Lahab jaise Kafir ko bhi Viladat ki Khushi karne par Faida Pahuncha to ham to Al-Hamdulillah Azzawajal Musalman hain.Abu Lahab ne Allah Azzawajal ke Rasool Sallallahu Alaihi O Sallam ki niyyath se nahi balki sirf apne Bhatije ki viladat ki Khushi Manyi fir bhi uss ko badla mila to ham agar Allah Azzawajal ki riza ke liye apne Aaka Va maula  Mohammadurrasoollullah Sallallahu Alaihi O Sallam ki viladat ki khushi manayenge to kuinkar maharum rahenge.

Ghar Ameena ke Sayyide Abrar Aa Gaya
Khushiyan ManaO Ghamzadon Gham Khwar Aa Gaya

MILAD MANANE VALON SE SARKAR KHUSH HOTE HAIN

Ek Alim Sahib Rahamath Ullah Alai Farmate hain: ALHAMDULILLAHI Muje Khwab me tajdare risalat,Shahanshahe nabuvat Sallallahu Alaihi O Sallam ki jiyarath huyi,main ne arz ki :Ya Rasoollallah Sallallahu Alaihi O Sallam.kai Aap ko musalmano ka har sal Aap ki Viladate mubarak hi khushiyan manana pasand Aata hai?Irshad Farmaya: "Jo ham se khush hota hai ham bhi uss se khush hote hain".

VILADATH KI KHUSHI ME JHANDE

Sayyidatuna Ameena Raziyallah Tala Anha Farmati hain:Main ne dekha ki tin Jhande Nasba kiye gaye.Ek mashrik me,Dusra Magrib me,Tisra Kaabe Ki chath par aur Huzure Karam Sallallahu Alaihi O Sallam ki Vilada ho jayi

Ruhul Amine Ghada Kabe ki Chat Pe Jhanda
Ta Arsh Uda Farera Subhe Sabe Viladat(Zokhe Naat,Sa.67)

JHANDE KE SAATH JULUS

Rahamate Alam Sallallahu Alaihi O Sallam ne jab suye madina hizrath farmayi aur madina e paak [zadahallahu sharafaon va tazim]ke karib "Mozye ghamim"me pahunche to buridha aslami,kabila bani saham ke sattar suvar le kar sarkare namdar Sallallahu Alaihi O Sallam ko [Mazallahi Azzawajal]giraftar karne Aaye,magar Sarkare Ali Vakar Sallallahu Alaihi O Sallam me gariftar ho kar pure kafile samet mushfa ba islam ho gaye.Aab arz ki:Ya Rasoollallah Sallallahu Alaihi O Sallam madina E Munavarah [zadahallahu sharafaon va tazim] me Aap ka dakhila parcham ke saath hona chahiye.chunanche apna imama sar se utar kar neze par band liya aur sarkare madina,rahte kalbo sina Sallallahu Alaihi O Sallam ke age age ravana huve.

JASHNE VILADAT MANANE VALA KHANDAN

Madina E Munavara [zadahallahu sharafaon va tazim] me ibrahim nami ek madni Aaka Sallallahu Alaihi O Sallam ka divana raha karta tha.hamesha halal rozi kamata aur apni amdani ka Aadha hissa jashne viladath manane ke liye Alahida jama karta 1 Rabiunnoor Sharif ki Aamad hoti to dhum dham se magar shariat ke dayre me raha kar jashne viladath manata.Allah Azzawajal ke mahaboob Sallallahu Alaihi O Sallam ke isale savab ke liye khub langar karta aur Achche Achche kamon me apni rakam kharch karta.uss ki zojaye mohtaram bhi Aaka Sallallahu Alaihi O Sallam ki bahuth divani thi aur in kamon me mukammal taAun karti.Zoja ki vafath ho gayi magar uss ke mamulath me fark na Aaya.Ibrahim divane ne ek din apne Naujavan bete ko basiyath ki: "pyare bete.Aaj raat meri vafath ho jayegi, meri tamam tar punji me pachas dirham aur unnis gaz kapda hai.kapda takfino tadfin par sarf karna aur rahi rakam to ise bhi ho sake to nek kaam me kharch kar dena".iss ke bad uss ne kalima e tayyib pada aur uss ki rooh ka fase unsuri se parvaz kar gayi.

Bete ne hasbe vasiyyat valide marhum ko sipurde khak kar diya.Aab pachas[50] dirham nek kaam me kharch karne ke muamle me uss ko samaj nahi Aati thi ki kai kare.isi fikr me raat jaab soya to khwab me dekha ki khiyamat kayim aur har taraf nafsi nafsi ka Aalam hai,khush nasib log suye jannath ravan davan hain,jaab ki muzrimo ko ghasit ghasit kar jahannum ki taraf haka ja raha hai aur yeh khada thar thar kamp raha hai ki iss ke bare me na jane kai faisla hota hai.itne me ghaib se nida Aayi, "Iss naujavan ko jannat me jane do." chunanche voh khushi khushi jannat me dakhil ho gaya aur sair karne laga.saton jannaton ki sair karne ke baad jab Aatvin jannath ki taraf bada to daroga e jannath hazrate rizvan ne farmaya: "iss jannat me sirf vohi dakhil ho sakta hai jiss ne mahe rabiunnoor me viladate mustafa Sallallahu Alaihi O Sallam ke Ayyam me khushi manayi ho." yeh sun kar voh samaj gaya ki mere validaine marhumain isi me hone chahiye.itne me Avaz ayi: "iss Naujavan ko Andar ane do,iss ke validain iss se milna chahte hain".lihaza voh andar dakhil huva.uss ne dekha ki uss ki validaye marhum nahare kausar ke karib baithi hain,saath hi ek takht bicha hai jiss par ek buzurg khatun jalva afroz hain aur uss ke ird gird kursiyan bichi hain jin par kuch pur vakhar khavatin tashrif farma hain.iss ne ek firishte se pucha: yeh khavatin kon hain? uss ne bataya: "Takht par shahzadi e konain sayyidatuna Fatima zahara Raziyallahhu Tala Anha hain aur kursiyon par,khadizatul kubra,Aysha Siddikha,Sayyidatuna maryam,Sayyidatuna Asiya,Sayyidatuna sarha,Sayyidatuna hazira,Sayyidatuna Rabiya aur Sayyidatuna zubaida Raziyallahu Tala Anha hain". ise bahut khushi huvi.mazid age bada to kai dekhta hai ki ek bahut hi Azim takht Bicha hai aur uss par sarkare Alam madar,madine ke tajdar,do Alam ke maliko mukhtar,habibe parvardigar,shafaye roze shumar,janabe Ahmade mukhtar Sallallahu Alaihi O Sallam apna chaand sa chehara chamkate ronak afroz hain.erd gird char kursiyan bichi huvi hain un par khalifa e rashidin Alaihi Rizwan Ronak afroz aur bayi janib shuhda e kiram jalva farma hain.itne me uss ke valide marhum ibrahim bhi sarkare madina,rahate kalbo sina Sallallahu Alaihi O Sallam ke karib hi jhurmut me nazar Aagaye.Valid Sahib ne apne lakhte jigar ko sine se laga liya,voh  bahuth khush huva aur saval kiya:Abbajan.Aap ko yeh Aalishan ruthba Kuinkar hasil huva? javab diya:Alhamdulillahi Azzawajal Yeh jash ne viladat manane ka sila hai.iss ke baad uss naujavan ki Aankh khul gayi.

Subha hote hi uss ne apna makan Aaone Faone damo becha aur valede marhum ke bache huve pachas dirham ke saath apni sari rakam mila kar taAam ka ehtimam kiya aur ulma va sulha ki davat ki.uss ka dil dunya se uchat ho chuka tha,chunanche masjid me ibadat aur usi ki khidmat me mashgul rahne laga aur apni zindagi ke bakhiyya tis sal isi tarha guzar diye.bade vafat kisi ne use khwab me dekh kar pucha:kai guzari?bola:Mujhe jashne viladath manane ki barkat se jannat me apne valide marhum ke pass pahuncha diya gaya hai.(mulakhkhas Aaj tazkhiratul vayizin urdu,Sa.557)Allah Azzawajal ki un par rahmat ho aur un ke sadke hamari be hisab magfirat ho.

Bakhsh De Mujko Ilahi Bahare Miladunnabi
Naamye Aamal Isya se Mera Bharpur hai(vasayile Bakhshish,Sa.477)

JASHNE VILADAT MANANE KA SAVAB

Shaik Abdul haq Muhaddis Dehalvi Alaihi Rahama Farmate hain:Sarkare Madina Sallallahu Alaihi O Sallam ki viladath ki raat khushi manane valon ki jaza yeh hai ki Allah Tala unhen fazlon karam se jannatunnayim me dakhil farmayega.musalman hamesha se mahfile milad munakhid karte Aaye hain aur viladat ki khushi me davaten dete,khane pakavate aur khub sadkha va khairath dete Aaye hain.Khub Khushi ka Izhar karte aur Dil Khol kar Kharch karte Hain niz Aap Sallallahu Alaihi O Sallam ki viladate ba saAdath ke zikr ka ehtimam karte hain aur apne makano ko sajate hain aur in tamam afale Hasan ki barkat se un logon par Allah Azzawajal ki rahamaton ka nuzul hota hai.

YAHUDIYON KO IMAAN NASIB HO GAYA

Hazrate Sayyiduna Abdul Vahid Bin Ismayil Alaihi Rahamath Ullahi Farmate hain:Misr me ek Aashike Rasool Raha karta tha jo rabiunnoor Sharif me Allah Azzawajal ke pyare mahaboob Sallallahu Alaihi O Sallam ka khub jashne viladat manaya karta tha.ek baar Rabiyunnoor sharif ke mahine me un ki padosan yahudan ne Aapne shohar se pucha:hamara musalman padosi iss mahine me har saal khususi davat vagaira ka ehtimam kuin karta hai? yahudi ne bataya ki iss mahine me iss ke nabi Sallallahu Alaihi O Sallam ki viladat huvi thi lihaza yeh un ka jashne viladat manata hai aur musalman iss mahine ki bahut tazim kiya karte hain.iss par yahudan ne kaha: "Vah.Musalmano ka tarikha bhi kitna pyara hai ki yeh log apne Nabi Sallallahu Alaihi O Sallam ka har sal jash ne viladat manate hain" voh yahudan raat jaab soyi to uss ki soyi huyi kismat Angdayi le kar jaag uthi,khwab me kai dekhti hai ki ek nihayat hi hasino jamil buzurg tashrif laye hain,ird gird logon ka huzum hai.iss ne Age bad kar ek shaks se daryaft kiya:yeh buzurg kon hain? uss ne bataya: "Yeh Nabiyye Akhiruzzaman, Rahmate Aalamin,Mohammadurrasoollullah Sallallahu Alaihi O Sallam hain.Aap iss liye Tashrif laye hain taki tumhare musalman padosi ko jashne viladat manane par khairo barkat Aata farmayen aur unn se mulakat farmayen niz iss par izhare musrrat karen". yahudan ne fir pucha:kai Aap ke nabi Sallallahu Alaihi O Sallam meri baat ka javab denge? uss ne javab diya: ji han.iss par yahudan ne sarkare Aali vakar Sallallahu Alaihi O Sallam ko pukara.Aap Sallallahu Alaihi O Sallam ne javab me Labbaik farmaya.Voh behad Mutassir huyi aur kahne lagi: main to musalman nahi hun,Aap Sallallahu Alaihi O Sallam ne fir bhi mujhe Labbaik kaha kar javab diya.sarkare madina,karrare kalbo sina Sallallahu Alaihi O Sallam ne irshad farmaya:Allah Azzawajal ki taraf se mujhe bataya gaya hai ki tu musalman hone vali hai.iss par voh be sakhtha pukar uthi:Beshak Aap Nabiye Karim,Sahibe Khulke Azim hain,jo Aap ki na farmani kar voh halak huva aur jo aap ki khadro manzilat na jane voh khayibo khasir(yani nuksan uthane vala) huva.fir uss ne kalima e shahadat pada.

Aab uss ki Aankh khul gayi aur voh sachche dil se musalman ho gayi aur uss ne yeh tai kar liya ki subha ut kar sari punji Allah Azzawajal ke pyare mahboob Sallallahu Alaihi O Sallam ke jashne viladat ki khushi me luta dungi aur khub niyaz karungi.jaab subha utti to uss ka shohar davate taAam ki tayyari me masruf tha.uss ne hairat se pucha:Aap Yeh khai kar rahe hain?uss ne kaha : iss baat ki khushi me davat ka ehtimam kar raha hun ki tum musalman ho chuki ho.Pucha:Aap ko kaise malum huva?Uss ne bataya:Main Bhi raat Huzure Akram,Noore Mujassam Sallallahu Alaihi O Sallam ke daste haq parast par imaan la chuka hun.Allah Azzawajal ki un par pahmat ho aur un ke sadke hamari be hisab magfirat ho.

Amade Sarkar Se Zulmat Huyi Kafur hai.
Kai Zamin,Kai Aasmaa,Har Samt Chaya Noor Hai.

JASHNE VILADAT MANANE KE NIYATEN

Bukhari Sharif ki sab se pahli hadise mubarak hai:IMAGE HERE:Yani Aamal ka daro madar niyaton par hai.yad rakhiye.har nek amal me savabe akhirat ki niyath hona zaruri hai varna savab nahi milega.jashne viladath manane me bhi savab kamane ki niyath zaruri hai.savab ki niyath ke liye amal ka shariat ke mutabik aur zevare ikhlas se muzyan hona shart hai.agar kisi ne dikhave aur vah  vah karvane ki khatir jashne viladat manaya,iss ke liye bijli ki chori ki,bilzabr chanda vasul kiya,bila ijazate sharyi musalmano ko yiza di aur hukuke Aamma talaf kiye,marizon,sone valon aur shir khwar(yani dood pite)bachchon ko taklif hone ka ilm hone ke ba vazud unchi Avaz se laud speekar chalaya to Aab savab ki niyat bekar hai balki gunahgar hain.jis khadar achchi achchi niyaten ziyada hongi usi khadar savab bhi zaida milega.chunanche ilm niyat rakhne wala savab badane ki garaz se mazid niyaton ka izafa kar sakta hai.hasbe hal yeh niyaten kar ligiye:

• Hukme Qurani Va Amma Binimati Rabbika Fahaddis(tarzuma e kanzul imaan : Aur Abne Rab Ki Nemat ka Khub Charcha karo) par amal karte huve Allah Azzawajal ki sab se badi nemat ka charcha karunga.
• Raza E Ilahi Azzawajal pane ke liye jashne viladat ki khushi me charaghan karunga.
• Jibrayil Ameen Alaihis Salam ne shabe viladath jo tin Jhande gade the iss ki pairvin me jhande lahraunga.
• Sabz Gumbad ki nisbat se sabz parcham lagaunga.
• Dhoom Dham se jashne viladat mana kar kuffar par Azmate Mustafa ka Sikka Bithaunga(Ghar Ghar Charagan aur sabz jhande dekh kar kuffar yakhinan hairan hote honge ki musalmano ko apne nabi ki viladath se valihana pyar hai).
• Jashne Viladat ki Dhoom macha kar shaitan ko pareshan karunga.
• Zahiri sajavat ke saat saat toba va astakfar ke zariye apna batin bhi sazaunga.
• Barhavin raat ko iztima e milad aur eid e miladun nabi Sallallahu Alaihi O Sallam ke din nikalne vale juluse milad me shirkat kar ke zikre khuda va mustafa sallallahu Alaihi O Sallam ki saAadaten aur ulma va sulha ki ziyaraten aur ashikane rasool ke kurb ki bar katen hasil karunga.
• Juluse milad me ba imaam aur hatla imkan ba vazu karunga aur julus ke dauran bhi masjid ki namazen ba jamaath tark nahi karunga.
• hasbe taufik"langare rasayil" ki tarkib banaunga.
• Infiradi koshish karte huve kaam Aaz kaam ek islami bhai ko madina kafile me safar ki davat dunga.
• Juluse milad me hatla vasAa sara rasta zaban va Aank ka kufle madina lagaye,naaton ki samat aur daroodo salam ki kasrat karunga.

 Ya Rabbe Mustafa Azzawajal.Hame Khush Dili aur Achchi Achchi niyaton ke saat jashne viladat manane ki taufik  marhammat farma aur jashne viladat ke sadkhe hame jannatul firdos me be hisab dakhila inayat kar.

 Bakhsh De Ham Ko Ilahi Bahare Miladun Nabi
Namaye Amal Isyan Se Mera Bharpur Hai(Vasayile Bakshish,Sa.477).