SHABE MEHRAJ - AVVAL

Mozija E Mehraj Aur Zamane ke halath.

Jab se Pyare Aaka,Mithe Mustafa Sallallahu Alaihi O Sallam ne apni Nabuvath ka Yelan farmaya tha aur logon ko Khuda E Vahid Azzawajal ki ibadath ki taraf bulana shuru farmaya tha tab se Shirko Kufr ki fazaon me parvan chadne vale log Aap Sallallahu Alaihi O Sallam ki jaan ke dushman ho gaye the.Halanki Aap Sallallahu Alaihi O Sallam ki mubarak hayat ke har har bab ka har har barkh un ke samne tha jo shabnam se zaida pakiza,fhulon se zaida shagufta,Aftab Va Mahtab se zaida roshan va chamakdar aur zahiri bathni har kisam ke yeb va burayi se pak tha,iss ke bavajud voh Aap Sallallahu Alaihi O Sallam ko jhutlane lage,Nabuvath ki Roshan Nishaniyan dekh kar jab la javab ho jate aur kuch ban nahi padta to inhen sahar va jadugari karar de dete.Zalimon ne Aap Sallallahu Alaihi O Sallam ki rah me kanton bichaye,Jisme naznanin par phatthar barsaye,takalif va masayib ke pahad tod dale aur than va tashniAa ka bazar khub garm kiya,in tamam mazlim me uss vakht aur yizafa ho gaya jab yelan e nabuvath ke dasven sal Aap Sallallahu Alaihi O Sallam ke chacha Abu Talib aur iss ke kuch roz bad ummul Mominin Hazrate Sayyiduna Khadijatul Kubra Raziyallahu Tala Anha ka intikal hua.Rahamate Alam,Noore Mujassam Sallallahu Alaihi O Sallam ne in tamam rukavaton ke ba vazud davate islam ko mokuf(tark) na farmaya aur logon ko kuffro shirk se rokte rahe.uss nazuk dor me jo koi bhi Aap Sallallahu Alaihi O Sallam ki davate haq ko khubul kar ke musharif ba Islam hota,kuffar ke joron sitam ka nishana ban jata.bahar hal vakht rafta rafta gujarta gaya aur hamesha ki tarha yeh sal bhi apne yikhtitam ko pahuncha,fir gairvan sal shuru hota hai,iss me bhi tanva tashniAa aur Joron sitam ka bazar usi tarha garam hai aur pyare va mahaboob Aaka Sallallahu Alaihi O Sallam Tamam tar rukavaton,pareshaniyon aur musibaton ke bavazud Yelan Kalimatul Haq(haq ki sar bulandi)ke liye masrufe amal hai,karte karte rajab ka Mubarak mahina Aajata hai aur jab iss ki sattayisvin shab hoti hai to iss mubarak rath me Allah Azzawajal apne mehboob Sallallahu Alaihi O Sallam ko Voh sharaf Aata farmata hai ki na kisi ko mila na mile.Yeh voh hairat Angrez vakhiya tha ki Sunane vale dang rah jate hain,Aakal ko dolate kul samajne valon ke Kufr va Inkar me Yizafa hota hai jab ki kalimul Imaan khush nasibon ka Imaan aur bad jata hai.


Islami bhaiyon.Iss hairat Angrez vakhiye ko Mehraj kaha jata hai,Quran E Kareem me ALLAH RABBUL IZZATH Azzawajal Iss ka mukhtasar zikr karte huye irshad farmata hai:

Subhanallazi Asra Bi'Abdihi
Lailatam Minal Masjidil harami
Yilal Masjidil Akhsallazi Barakna
Havlahu linooriyahu Min Ayatina.
Innahu huvas'Sami ull Basir


Tarjuma E Kanzul Imaan:
Paki hai use jo raton rat apne bande ko le
gaya masjid E Haram(Khana E Kaaba) se
Masjid E Aksa(Baitul Mukhaddas) tak jiss ke
Girdo Gird ham ne barkat rakhi ki ham use
Apni Azim Nishaniyan Dikhayen Beshak Voh
Sunta Dekhta hai.




Ayiye Aab iss ka tafsili bayan mulahaza kijiye.chunanche,

Vakhi E Meraj

Baisath Ke Gairven saal,hijrath se do sal pahle,27 Rajabul Murajjab,peer sharif ki suhani aur noor bhari raat hai aur paikare Anvar,tamam Nabiyon ke Sardar,madine ke tajdar,Do Alam ke maliko mukhtar,shahansha e Abrar,Mahaboobe Rabbe Gaffar Sallallahu Alaihi O Sallam Namaz E Isha Ada farmane ke baad apni chachazad bahan hazrate Umme Haani Raziyallahu Tala Anha ke Ghar Aaram Farma hain ki Dolath Khana E Akdas ki mubarak Chath khuli,Hazrate Jibrayil Alaihis Salam niche hajir huye aur Aap Sallallahu Alaihi O Sallam ko hazrate Umme Haani Ke Ghar se Masjide Haram me laa kar Hatime Kaaba me lita diya.Abhi Pyare Aaka,Madine vale Mustafa Sallallahu Alaihi O Sallam Yani(Hatime Kaaba me)karvat ke bal lete huye the aur Aap Sallallahu Alaihi O Sallam par Oond ka asar bakhi tha ki hazrate jibrayil Alaihis Salam fir Hazir huve,Iss bar unhone Aap Sallallahu Alaihi O Sallam ke sine paak ko hasli  ki haddi se le kar pet ke niche tak chak kiya aur kalbe Aathar ko bahar nikal diya.fir Imaan va Hikmat se Bhara sone ka ek tasht(Thal)laya gaya,Hazrate Jibrayil Alaihis Salam ne Pyare Aaka Sallallahu Alaihi O Sallam ke Kalbe  Aathar ko Aabe Zam-Zam se Ghusul Diya aur fir Imaan va hikmat se bhar kar vapas uss ki jagah rakh diya.

Burrakh Ki Savari

Iss ke bad Aap Sallallahu Alaihi O Sallam ki bargahe Aakdas me suvari ke liye Ghade Se Bada Aur Khachchar Se Chota ek safed janvar hazir kiya gaya,jise Burakh kaha jata hai.iss par jin kasi Hui thi,Lagham padi hui thi aur iss ki raftar ka Aalam Ye tha ki ta Hadde Nighaa(jahan tak nazar pahunchti vahan)Apna khadam rakhta,Bulandi par chadte huve iss ke haath chote aur paon lambe ho jate aur niche utarte huve haat lambe aur paon chote ho jate jis ki vajah se dono suraton me iss ki pit barabar rahti aur savar ko kisi khism ki mashakkhat ka samna na hota.

Sarvare Kaynath,Shahansha E Maujuzath,Mahaboob E Rabbul Arde Vassamavath Sallallahu Alaihi O Sallam ne jab uss par savar hone ka Yirada farmaya aur iss ke karib tashrif lay to iss ne khushi se fule na samate huye uchal kud Shuru kar di.Yeh dekh kar hazrate Jibrayil Alaihis Salam ne Apna hath iss ki gardan ke balon ki jagah par rakha aur Farmaya:Ye Burakh.Tuje haya nahi Aati?Khudaye zul Jalal ki khasam.Huzur Mohammade Mustafa,Ahmade Mujtaba Sallallahu Alaihi O Sallam Se ziyada Izzato Karamat vali koi hasti tuj par suvar nahi hui.Yeh sun kar burak haya ke mare pasine pasine ho gaya aur uchal kud khatam kar ke pur sukun ho gaya.

Baitul Mukhadas Ki Taraf Ravangi:

Fir Sayyade Alam,Noore Mujassam Sallallahu Alaihi O Sallam Burrakh par suvar huye aur iss shan se baitul mukhaddas ki taraf ravana huye jaise ki hazrate Sayyiduna Allama Buseri Rahamat Ullahi Tala Alaih farmate hain:

Yani Aap Sallallahu Alaihi O Sallam ne meraj ki shab harme Kaaba se harme baitul Mukhaddas tak iss shan se safar kiya jaise chaudvi raat ka chand sakht tarik raat ke andheron me noor bikherta huva chalta hai.

Iss noorani safar me firishton ke sardar hazrate sayyiduna jibrayile Aameen Alaihissalam bhi Aap Sallallahu Alaihi O Sallam ke sath the.

 Tin Makamath Par Namaz

 Daurane safar ek makham par hazrate jibrayil Alaihissalam ne rahamate alam,noore mujassam Sallallahu Alaihi O Sallam ko utar kar namaz padne ko kaha.App Sallallahu Alaihi O Sallam ne namaz Ada farmayi.hazrate jibrayil Alaihissalam ne arz kiya:Aap Sallallahu Alaihi O Sallam ko Malum hai ki Aap Sallallahu Alaihi O Sallam ne kis jagah namaz padi hai? Aap Sallallahu Alaihi O Sallam ne tayab(yani madina sharif)me namaz padi hai,Yisi ki taraf hijrat hogi.Fir ek aur makam par hazrate jibrayil Alaihissalm ne Aap Sallallahu Alaihi O Sallam ko utar kar namaz  padne ke liye kaha.Aap Sallallahu Alaihi O Sallam ne namaz Ada farmayi.Hazrate jibrayil Alaihissalam arz guzar huve:Aap Sallallahu Alaihi O Sallam ko malum hai ki Aap Sallallahu Alaihi O Sallam ne kahan namaz padi hai? Aap Sallallahu Alaihi O Sallam ne ture sina par namaz padi hai.jahan ALLAH Azzawajal ne Hazrate Musa Alaihissalam ko ham kalami ka sharf Aata farmaya tha.fir ek aur jagah hazrate jibrayil Alaihissalam ne Aap Sallallahu Alaihi O Salam ko utar kar namaz padne ke liye kaha.Aap Sallallahu Alaihi O Salam ne namaz ada farmayi.iss ke bad hazrate jibrayil Alaihissalam ne arz kiya:Aap Sallallahu Alaihi O Salam ko malum hai ki Aap Sallallahu Alaihi O Salam ne kahan namaz padi hai jahan hazrate Isa Alaihissalam ki viladat hui thi.

 SAFAR E BAITUL MUKHADDAS KE CHAND MUSHAHDATH

 Khudrat ke Azayibat ka mushahada farmate huve shahanshahe Mojuzath,Sayyade Kayinath Sallallahu Alaihi O Sallam baitul Mukhaddas ki taraf ravan davan the ki raste ke kinare ek buddi aurath khadi huyi deki,Aap Sallallahu Alaihi O Sallam ne hazrate Jibrayil Alaihissala se daryaft farmaya:Ye Kon hai?Arz kiya:Huzur Sallallahu Alaihi O Sallam bade Chaliye.Aap Sallallahu Alaihi O Sallam Aage bad gaye,fir kisi ne App Sallallahu Alaihi O Sallam  ko pukar kar kaha:HALUMMA YA MOHAMMED yani ye MOAHAMMED Sallallahu Alaihi O Sallam Yidhar Ayiye.lekin hazrate jibrayil Alaihissalam ne fir vohi Arz kiya ki Huzur Sallallalhu Alaihi O Sallam bade chaliye.chunanche,Aap Sallallahu Alaihi O Sallam ruke baghor Aage bad gaye fir ek jamaat par guzar huva.unho ne Aap Sallallahu Alaihi O Salam ko salam arz karte huye kaha:

"Yani E Avval Sallallahu Alaihi O Sallam Aap Par salamati ho,Ye Akhir Sallallahu Aalihi O Sallam Aap Par salamati ho.E Hashir Sallallahu Alaihi O Sallam Aap Par Salamati ho".
Hazrate jibrayil Alaihissalam ne Arz kiya:Huzur Sallallahu Alaihi O Sallam.In ke Salam ke javab marhamath farmayiye.Aap Sallallahu Alaihi O Sallam ne javab diya.fir ek dusri jamaat par guzar huva vahan bhi yese hi huva,fir tisri jamaat par guzara huva vahan bhi yese hi huva. Bad me hazrate jibrayil Alaihissalam ne Aap Sallallahu Alaihi O Sallam ki bargah me arz kiya: voh budiya jise Aap Sallallahu Alaihi O Sallam ne raste ke kinare khadi mulayiza farmaya tha voh dunya thi iss ki sirf itni umr baki rah gayi hai jitni uss budiya ki hai,jis ne Aap Sallallahu Alaihi O Sallam ko apni taraf mayil karna chaha tha voh Allah Azzawajal ka dushman iblis(shaitan) tha,chahta tha ki Aap Sallallahu Alaihi O Sallam uss ki taraf mayil ho jayen aur jinho ne Aap Sallallahu Alaihi O Sallam ko salam arz kiya tha voh hazrate Ibrahim,Hazrate Musa Aur Hazrate Isa Alaihissalam the.

Hazrate Musa Alaihis Salam Namaz Me:

Sahi Muslim Sharif ki rivayat me hai ki jab Aap Sallallahu Alaihi O Sallam ka guzar hazrate Musa Alaihis Salatu Vassalam ki khabre mubarak ke pass se huva jo reth ke surkh tile ke pass vakheAa hai,to voh apni khabr me khade namaz pad rahe the.

BAITUL MUKHADDAS AAMAD

Iss tarha in Aazayibate khudra ko mulahaja farmate aur Ambiya E Kiram Alaihimus Salatu Vassalam se mulakhaten farmate sarvare kayinat,shahanshahe mojuzat Sallallahu Alaihi O Sallam uss mukhaddas shahar me tashrif le aaye jahan masjid E Akhsa Vakhe hai,shahar me Aap Sallallahu Alaihi O Sallam uss ke babe yamani se dakhil huve fir masjid ki janib chale aur Aap Sallallahu Alaihi O Sallam ne burakh ko darvaza E masjid me mojud uss khade ke sath bandha jis se pahle ke Ambiya E Kiram Alaihissalam bandha karte the.bad me hazrate jibrayil Alaihissalam use masjid ke Yihate me le Aaye Aur apni ungali ke zariye ek pattar me surakh kar ke uss ke sath band diya.

AMBIYA E KIRAM ALAIHIS SALATU VAS SALAM KI IMAMATH:

Pyare Aakha Sallallahu Alaihi O Sallam ki shane Aali ke izhar ke liye baitul mukhaddas me tamam Anbiya E Kiram  alaihissalam ko jama kiya gaya tha jab Aap Sallallahu Alaihi O Sallam yaha tashrif laye to iss sab hazrat ne Aap Sallallahu Alaihi O Sallam ko dekh kar khush amadid kaha aur namaz ke vakhat sab ne Aap Sallallahu Alaihi O Sallam ko imamat ke liye Aage kiya.fir hazrate jibrayil Alaihissalam ne daste mubarak pakad kar Aage bada diya aur Aap Sallallahu Alaihi O Sallam ne tamam Ambiya E kiram Sallallahu Alaihi O Sallam ki Imamath farmayi.

Hazrate Sayyiduna Allama Busairi Rahamatulla Tala Alaih Farmate hain:

Yani Baitul Mukhaddas me tamam Ambiya va rasool Alaihis Salatu Vassalam ne Aap Sallallahu Tala Alaihi O Alihi O Sallam ko Aage kiya jaise makhdum apne khadimo ke Aage hota hai.

Subhannallah Azzawajal kai khub namaz hai ki tamam Ambiya aur Rasool Alaihissalatu O Sallam mukhtadi hain,Imamul Ambiya Sallallahu Alaihi O Sallam Imam hain aur pahala khibla jay namaz hai,yakhinan kayinat me yesi namaz kabhi nahi hui,Falak ne yesa nazara kabhi nahi dekha.Bahar hal Aaj shabe asrar ke dulha Sallallahu Alaihi O Sallam ke Avval aur Akhir hone ka Ukda bhi khul gaya,iss ke raaz se bhi parda Uoot gaya aur maana roze roshan ki tarha vazeh ho gaya kuinki Aaj Aap Sallallahu Alaihi O Sallam jo ki sab se Akhiri Rasool hain,pahale ki Ambiya Aur Rasoolon ki imamat farma rahe hain.yisi Raaz ko bayan karte huve Aala hazrat,Imame Ahle Sunnat,Maulana shaah Imam Ahmed Raza Khan Alaihi Rahamatur Rahim Farmate hain.

Namaze Akhsa Me Tha Yehi Sir,
Yiyan ho maniye Avval Akhir ki Dastabasta hai Piche Hajir,
Jo Saltanath Aage Kar Gay The.

DOOD AUR SHARAB KE PAILE

 Bukhari Sharif ki rivayat ke mutabik yahan Aap Sallallahu Alaihi O Sallam ke paas dood aur sharab ke do paile laye gay,Aap Sallallahu Alaihi O Sallam ne unhen mulahza farmaya fir dood ka paila khubul farma liya.iss par hazrate jibrayil Alaihis Salam kahne lage

"Yani tamam tarife ALLAH Azzawajal ke liye jis ne Aap Sallallahu Alaihi O Sallam ki fitrath ki janib rahnumayi farmayi,Agar Aap Sallallahu Alaihi O Sallam sharab ka piyala khabul farmate to Aap Sallallahu Alaihi O Sallam ki ummath gumrah ho jati"

Ambiya E Kiram Alahimus Salatu Vassalam Ke Khutbe

Baitul mukhaddas ki Yin noorani aur rahamat bhari fazaon me baz Ambiya e Kiram Alaihis Salam ne khutbe bhi farmaya jiss me ALLAH Azzawajal ki hamd aur apne upar uss ki be payan rahamaton aur ne'maton ka tazkira farmaya,chunanche sab se pahle 

hazrate sayyiduna Ibrahim Alaihis Salatu Vassalam ne kaha:

"Yani tamam tarifen ALLAH Azzawajal ke liye jiss ne mujhe khalil banaya,mujhe Aazim badshahat Aata farmaya,Mujhe Imam aur apna farmabardar banda banaya,meri iktidad va pairvi ki jati hai,mujeh Aag se najat Aata farmayi aur ise mujpar thandi aur salamati vali kar diya"

Fir Hazrate Sayyiduna MUSA Alaihissalam Kahane Lage:

"Yani tamam tarifen ALLAH Azzawajal ke liye jisne mujh se kalam farmaya,mujeh apni risalat aur kalimat ke liye muntakhab farmayi,mere haath par firon ko halak farmaya aur mere hi haat par bani israyil ko nazath Aata farmayi".

Inke Baad Hazrate Sayyiduna Dawood Alaihissalam ne kaha:

"Yani tamam tarifen ALLAH Azzawajal ke liye jiss ne mujeh Badshahat Aata farmayi,mujh par zabur nazil farmayi,lohe ko mere liye narm farmadiya,mere liye parindon aur pahadon ko musakhkhar farma diya,mujeh hikmat aur fasle khitab(haq va batil me farkh kar ke faisla karne ka ilm)Aata farmaya".

Fir Hazrate Sayyiduna Suleman Alaihissalam Kahane lage:

"Yani tamam tarifen ALLAH Azzawajal ke liye jiss ne mere liye Havavon,Jinno Aur Insano ko Musakhkhar farmadiya,Shayatin ko bhi Musakhkhar farma diya aur Aab yeh Voh kaam karte hain jo main inse chahta hun maslan bulando bala makanath tamir karna aur tasviren banana mujhe parindon ki boli aur har chiz sikhayi,mere liye pidle huve tambe ka chashma banaya aur mujhe yesi badshahat Aata farmayi jo mere bad kisi ke liye nahi"

Inke Bad Hazrate Sayyiduna ISA Alaihissalam Ne Kaha:

"Yani tamam tarifen ALLAH Azzawajal ke liye jiss ne Mujhe Torat aur Injil Sikhayi,Mujhe Paidayishi Andhe aur Khot ke marz vale ko tandurast karne vala aur apne izn se murdon ko jinda karne vala banaya,mujhe Aasman par uthaya,mujhe kafiron se paak kiya,mujhe aur meri maa ko shaitan mardud se panah Aata farmayi jis ki vajah se use meri Maa par koi rah nahi"

Jab insab  ne ALLAH Azzawajal ki Hamdo sana aur apne upar uss ki be paya Rahamaton ka bayan kar liya to saab ke baad tamam nabiyon ke sardar,Ahmade Mukhtar Sallallahu Alaihi O Sallam ne Khutba diya,Khutbe se pahle Aap Sallallahu Alaihi O Sallam ne Ambiya E Kiram Alaihissallam se Farmaya ki tum saab ne apne Rab Azzawajal ki sana bayan ki hai aur Aab main RAB Azzawajal ki tarif Va sana bayan karta hun,fir Aap Sallallahu Alaihi O Sallam ne iss tarha khutba pada.

"Yani tamam tarifen ALLAH Azzawajal ke liye jiss ne mujhe tamam jahano ke liye rahamat aur tamam insano ke liye khush khabri sunane vala aur dar sunane vala bana kar bheja,mujh par Haq va Batil me farkh karne vali kitab(QURAN)Ko najil farmaya jis me har shai ka roshan bayan hai,meri ummat ko logon me hazir hone vali sab ummaton me behtarin ummat banaya,darmiyani ummat banaya aur unhe avval bhi banaya aur akhir bhi,mere liye mera sina khushada farmaya,mujh se bhoj ko dur farmaya,mere zikr ko buland farmaya aur mujhe fateh aur khatim banaya"

"Yeh sun kar Hazrate Sayyiduna Ibrahim Alaihis Salam ne farmaya: 
Bihaza Fazalakum Mohammed.
"Yani isi vajah se Mohammad Sallallahu Alaihi O Sallam ne tum par fazilat payi"

Subhanalla Azzawajal hamare pyare nabi Sallallahu Alaihi O Sallam ki shaan kis khadar Aali aur Buland hai ki Hazrate Sayyiduna Ibrahim Khalilullah Alaihissalam bhi Aap Sallallahu Alaihi O Sallam ki shan bayan farmate aur sab Ambiya E Kiram Alaihissalam Par Aap Sallallahu Alaihi O Sallam ki fazilath ka Yelan farmate hain,fir ham kuin na karen ki

Sab Se Aaula Va Aala Hamara Nabi
Sab Se Bala Va Vala Hamara Nabi

Khalkh Se Auliya,Auliya Se Rasool
Aur Rasoolon Se Aala Hamara Nabi

Mulke Konain Me Ambiya Taajdar
Taajdaron Ka Aaka Hamara Nabi


SHABE MEHRAJ - DUVAM ke liye yahan par CLICK kijiye