Bagh Jannat Ke Hain Behr Madha Khan-e-Ahelbait
Tum ko Mujda Naar ka Aye dushmanan-e-Ahelbait
Kis Zaban se ho bayan Izzo Shane-e-Ahelbait
Madha go-ye Mustafa hai,Madha Khan-e-Ahelbait
Unki paaki ka Khuda-e-paak karta hay bayan
Aya-e-Tatheer se Zahir hay Shan-e-Ahelbait
Apna soda Baich kar Bazaar Soona kar gaee
Kon si Basti basaee Tajran-e-Ahelbait
Razm ka Maidan bana hay jalwa gahe Husn-o-Ishq
Karbala main ho raha Imtehan-e-Ahelbait
Phool Zakhmo kay Khilae hai Hawae dost nay
Khoon say Seencha gaya hai Gulsatan-e-Ahelbait
Jumma ka Din hay kitab-ezeest kit eh kar kay aaj
Khailtey hay jan par Shezadgan-e-Ahelbait
Aey shabab-e-fasl gul yeh chal gai kaisi hawa
Kat raha hay lelehata bostan-e-Ahelbait
Kis shaqi ki hay hakumat ha-ee kiya andhair hay
Din dehare lut raha hay Karwan-e-Ahelbait
Kushk ho ja khak ho kar khak main mil ja Furat
Khak tujh par,daikh to Sookhi zaban-e-Ahelbait
Teri qudrat janwar tak aab say serab hoo
Auo piyas ki shidat main tarpy bayzuban-e-Ahelbait
Qafla salar manzil ko chaly hay sonp kar
Waris bay Warisa ko karwan-e-Ahelbait
Fatima kay laadly ka aakhri didar hay
Hashr ka Hangama barpa hay mayan-e-Ahelbait
Waqt akhir keh raha hay khak main milta suhag
Ke loo Salam aakhri aay bewgan-e-Ahelbait
Inke ghar mein be ijazat Jibrael aate nahi
Qadr wale jante hain Qadr Shane-e-Ahelbait
Be Adab Gustaakh Firke Ko Sunade Ae Hasan
Youn Kaha Karte Hai Sunni Daastaan e Ahle Bayth
Subscribe to:
Post Comments (Atom)
