Hazrate Isa Alaihis Salam ne jab Yahudiyon ke samne apni Nabuvath ka Yelaan farmaya to Chunki Yahudi "Toraith Sharif" me pad chuke the ki Hazrate Isa Masiha Alaihis Salam in ke din ko mansukh kar denge. Iss liye Yahudi Aap ke dushman ho gaye. Yahan tak ki jab Hazrate Isa Alaihis Salam ne ye Mahsus farma liya ki yahudi apne kufr par ade rahenge aur vo mujhe katl kar denge to ek din Aap ne logon ko mukhatab kar ke farmaya ki "Man Ansari Ilallahi" Yani kon mere madadgar hote hain Allah ke din ki taraf. Barha ya unnis havariyon ne ye kaha ki "Nahanu Ansarullahi Amanna Billahi Vashhad Bi Anna Muslimin" Yani ham khud ke din ke madadgar hain. Ham Allah par imaan laye. aur Aap gavah ho jayen ki ham Musalman hain.
Bakhi tamam yahudi apne kufr par jame rahe yahan tak ki joshe adavath me in yahudiyon ne Aap ke katl ka mansuba bana liya aur ek shakhs ko yahudiyon ne jis ka naam "Tatyanus" tha Aap ke makan me Aap ko katl kar dene ke liye bheja. itne me achanak Allah Talane ne Hazrate Jibrael Alaihis Salam ko ek badli ke saath bhej aur uss badli ne Aap ko Asman ki taraf utha liya.Aap ki valida joshe mohabbath me Aap ke saath chimat gayi to Aap ne farmaya ki Amma Jaan ! Jab khiyamat ke din hamari aur Aap ki mulakhat hogi aur badli ne Aap ko asman par pahuncha diya. Ye vakhiya Baitul Mukhaddas me Shabe Khadr ki mubarak raath me vakhiya fariz huva. Uss vakhth Aap ki umr Sharif ba Khole Allama Jalaluddin Suyuti alaihi Rahama 33 Baras ki thi aur Ba Khole Allama zurkhani(Sharhe Mavahib) uss vakht Aap ki umr Sharif 120 baras ki thi aur hazrate allama jalaluddin suyuti alihi rahama ne bhi akhir me isi khol ki taraf ruzuA farmaya.
"Tatyanus" jab bahuth der makan se bahar nahi nikla to yahudiyon ne makan me ghus kar dekha to Allah Tala ne "Tatyanus" ko Hazrate Isa Alaihis Salam ki shakal ka bana diya. Yahudiyon ne "Tatyanus" ko Hazrate Isa samaj kar katl kar diya. Iss ke baad tatyanus ke ghar valon ne ghor se deka to sirf chehra Hazrate Isa Alaihis Salam ka tha bakhi sara badan tatyanus hi ka tha to iss ke ahle khandan ne kaha ki agar ye makhtul hazrate isa hain to hamara admi tatyanus kahan hai ? Aur agar ye tatyanus hai to Hazrate Isa kahan gaye ? Iss par khud yahudiyon me jango jidal ki nobath Aa gayi aur khud yahudiyon ne ek dusre ko katl karna shuru kar diya aur bahuth se yahudi katl ho gaye. Khudavande khuddus ne Quran e Majid me iss vakhiye ko iss tarha bayan farmaya ki
Aur kafiron ne mark kiya aur Allah ne un ke halak ki khufiya tadbir farmayi aur Allah sab se behtar chupi tadbir vala hai yad karo jab Allah ne farmaya : Ye Isa ! Main tujhe puri umr tak pahunchauga aur tujhe apni taraf utha lunga aur tujhe kafiron se paak kar dunga aur tere pairuon ko khiyamath tak tere munkiron par ghalba dunga fir tum sab meri taraf palat kar Aoge to main tum me faisla farma dunga jis baath me jhagadte ho.
Aap ke asman par chale jane ke baad Hazrate Maryam Raziyallahu Tala Anha ne 6 Baras dunya me raha kar vafath payi. (Bukhari Va Muslim ki) Rivayath hai ki Kurbe khiyamath ke vakht Hazrate Isa Alaihis Salam zamin par utrenge aur nabiye Akhiruzzama Sallallahu Alaihi o Sallam ki shariath par amal karenge aur dajjal va khinzir ko khatl farmayenge aur salib ko todenge aur 7 baras tak dunya me Adal farma kar vafath payenge aur madina e munavara me gumbade khazra ke andar madfun honge.
Aur Quran e Majid me Isayiyon ka rad karte huve ye bhi nazil huva ki
Aur Beshak unho ne Isa ko katl na kiya balki Allah ne ise apni taraf utha liya aur Allah ghalib hikmath vala hai.
Aur is se upar vali ayath me hai ki
Unhon ne na ise katl kiya aur na ise suli di balki un ke liye iss ki shabih(Shaklo Surath) ka ek bana diya gaya.
Khulasaye kalam ye hai ki Hazrate Isa Alaihis Salam Yahudiyon ke haton makhtul nahi huve aur Allah ne Aap ko asmano par utha liya, Jo ye akhida rakhe ki Hazrate Isa Alaihis Salam katl ho gaye aur suli par chad gaye jaisa ki nasara ka akhida hai to vo shaks kafir hai kuinki Quran e Majid me saaf saaf mazkura hai ki Hazrate Isa Alaihis Salam na maktul huve na suli par latkaye gaye.
Subscribe to:
Post Comments (Atom)
