Tabut E Sakina

Ye Shamshad ki lakdi ka ek sandukh yani tabut tha jo hazrate Adam Alaihis Salam par nazil huva tha. Ye Aap ki akhri zindagi tak Aap ke pas hi raha. Fir bataure miras ek baad digare aulad ko milta raha. Yahan tak ki ye Hazrate Yakhub Alaihis Salam ko mila aur Aap ke baad Aap ki Aulade bani israel ke khabze me raha. Aur Hazrate Nabi Musa Alaihis Salam ko mil gaya to Aap uss me Torath Sharif aur Apna khas khas saman rakhne lage.

Read: 100 Baras Tak Murda Rahe Fir Zinda Ho Gaye

Ye bada hi mukhaddas aur ba barkat sandukh yani tabut tha. Bani Israel jab kuffar se zaida karte the aur kuffar ke lashkaron ki kasrat aur un ki shokath dekh kar saham jate aur un ke sino me dil dhadakane lagte to voh iss tabut ko apne age rakh lete the to iss tabut se yesi rahmaton aur barkaton ka zahur hota tha ki  mujahidin ke dilon me sukun va ithminan ka saman paida ho jata tha aur mujahidin ke sino me larajte huve dil patthar ki chattanon se zaida mazbut ho jate the. Aur jis khadar tabut age badta tha asman se "Nasrum Minallahi Va Fathum Kharib" ki bisharate uzama nazil huva karti aur fathe mubin hasil ho jaya karti thi.

Read: Roshan Haath

Bani Israel me jab koi iqtilaf paida hota tha to log isi tabut se faisla karte the. Tabut se faisle ki avaz aur fatha ki bisharat suni jati thi. Bani israel iss tabut ko apne age rakh kar aur iss ko vasila bana kar duayen mangte the to in ki duayen makhbul hoti thi aur balaon ki musibaten aur vabaon ki afaton tal jaya karti thi. Al garaz ye tabut bani israel ke liye tabut e sakina, barkat va rahamath ka khazina aur nusrate khudavandi ke nuzul ka nihayat mukhaddas aur behtarin zariya tha magar jab bani israel tarha tarha ke gunahon me mulavis ho gaya aur in logon me maAsi va tugyani aur sarkashi va isyan ka dor dora ho gaya to in ki bad Amliyon ki nuhusat se in par khuda ka ye gazab nazil ho gaya ki khome Amalka ke kuffar ne ek lashkare jarraar ke saath in logon par hamla kar diya, un kafiron ne bani israel ka khathle Aam kar ke in ki bastiyon ko takht va taraz kar dala. Imaraton ko tod fod kar sare shahar ko tahas nahas kar dala, aur iss mutabarrakh tabut ko bhi utha kar le gaye. iss mukhaddas tabarukh ko najasaton ke kude khane me fenk diya. Lekin iss be adabi ka khome Amalka par ye vabal pada ki ye log tarha tarha ki bimariyon aur balaon ke huzum me jhanjod diye gaye. chunanche, khome Amalka ke panch shahar bilkul barbad aur viran ho gaye. yahan tak ki un kafiron ko yakhin ho gaya ki ye tabut e rahamat ki be adabi ka azab ham par pad gaya hai to un kafiron ki Aakhen khul gayi. Chunanche, un logon ne iss mukhaddas tabut ko ek bel gadi par lad kar belon ko bani israel ki bastiyon ki taraf hank diya.

Read: Jannat Ki Lathi

Fir Allah Tala ne char firishton ko mukharrar farma diya jo iss mubarakh tabut ko bani israel ke nabi Hazrate Shamvil Alaihis Salam  ki khidmat me laya. Iss tarha fir bani israel ki khoyi huyi nemath dobara in ko mil gayi. Aur ye tabut thik uss vakhth Hazrate Shamvil Alaihis Salam ke pas pahuncha, Jab ki hazrate shamvil alaihis salam ne taluth ko badshaa bana diya tha. Aur bani israel taluth ki badshahi taslim karne par tayyar nahi the aur yehi sharth tahari thi ki mukhaddas tabuth yani sandukh Aa jaye to ham taluth ki badshahi taslim kar lenge. Chunanche, Sandukh Aa gaya aur bani israel taluth ki badshaahi par razamand ho gaye.

Tabut E Sakina Me Kai Tha?

Iss Mukhaddas Tabut me Hazrate Nabi Musa Alaihis Salam ka Aasa aur un ki mukhaddas jutiyan aur hazrate Haroon Alaihis Salam ka Imama, Hazrate Suleman Alaihis Salam ki Anghoti, Torath ki takhtiyon ke chand tukde, kuch manna va salva, iss ke ilava Hazrate Ambiyaye kiram Alaihis Salam ki suraton ke hulye vaghaira sab saman the.

Quran e Majid me Khudabande Khuddus ne surah bakhra me iss mukhaddas sandukh ka tazkira farmate huve irshad farmaya ki

Tarjuma e Kanzul Imaan:

                  Aur un se un ke Nabi ne farmaya: Uss ki badshaahi ki nishani ye hai ki aye tumhare pas tabut jis me tumhare raab ki taraf se dilon ka chain  hai aur kuch bachi huyi chijen hain muAzzaz musa aur muAzzaz haroon ke tarke ki, uthate layenge use firishte beshak uss me badi nishani hai tumhare liye agar imaan rakhte ho.

Darse Hidayath:

                            Bani Israel ke tabut ke iss vakhiye se chand masayil va favayid par roshni padti hai jo yad rakhne ke khabil hai:

1. Malum huva ki buzurgon ke tabarukath ki khudabande khuddus ke darbar me badi izzath va azmath hai aur in ke zariye makhluke khuda ko bade bade fuyuzo barkath hasil hote hain. Dekh lo! Iss tabut me Hazrate Musa Alaihis Salam ki jutiyan, Aap ka Asa aur Hazrate Haroon Alaihis Salam ki Pagdi thi, to Allah Tala ki Bargah me ye tabut iss khadar makhbul aur mukarram va muazzam ho gaya ki firishton ne iss ko apne noorani kandhon par utha kar Hazrate Shavil Alaihis Salam ke darbare Nabuvath me pahunchaya aur khudabande khuddus ne Quran e Majid me iss bath ki shahadath di ki " Fihi Sakinatum Mir Rabbikum" Yani iss tabut me tumhare raab ki tarif se sakina yani momino ke kulub ka itminan aur in ki ruhon ko taskhin ka saman tha. Mathlab ye ki iss par rahamate ilahi ke anvaron barkath ka nuzul aur iss par rahamaton ki barish huva karti thi to malum huva ki buzurgon ke tabarukath jahan aur jis jagha bhi honge zarur un par rahamate khudabandi ka nuzul hoga. Aur iss par nazil hone vali rahamaton aur barkaton se mominin ko sukune khalb aur ithminane rooh ke fuyuz barkat milte rahenge.
2. Jis tabut me Allah valon ke libas va Asa aur jutiyan ho jab us tabut par ithminan ka sakina aur anvaro barkat ka khazina khuda ki taraf se utarna, Quran se sabith ho to bhala jis khabr me in buzurgon ka pura jism rakha hoga, kai un khabron par rahamath va barakath  aur sakina va ithminan nahi utrega? Har akhil insan jis ko khudabande alam ne basarath ke saath saath imani basirath bhi Aata farmayi hai, vo zarur iss baath par imaan layega ki jab buzurgon ke libas aur in ki jutiyon par sakina e rahamath ka nuzul hota hai to in buzurgon ki khabron par bhi rahamate khudabandi ka khazina jarur nazil hoga. Aur jab buzurgon ki khabron par rahamaton ki barish hoti hai to jo musalman in mukhaddas khabron ke pas hazir hoga zarur uss par bhi barishe anvare rahamat ke chand khatrath baras hi jayenge kuin ki jo musladhar barish me khada hoga zarur uss ka kapda aur badan bhigega, jo darya me gota lagayega zarur uss ka badan pani se tar hoga, jo itr ki dukan par baithega, zarur uss ko khushbu nasib hogi. To sabit ho gaya ki jo buzurgon ki khabron par hazri denge zarur vo fuyuze barkat ki dolaton se malamal honge aur zarur un par khuda ki rahamaton ka nuzul hoga jis se uss ke masayibo alam door honge aur dino dunya ke favayid va manafea hasil honge.
3. Ye bhi malum huva ki jo log buzurgon ke tabarukath ya in ki khabron ki yihanat va be adabi karenge vo zarur kahre kahhar aur gazabe jabbar me giraftar honge kuin ki khome Amalka jinhon ne iss tabut ki be adabi ki thi un par yesa kahare ilahi ka pahad tuta ki vo balaon ke huzum se bilbila uthe aur kafir hote huve unhon ne iss baat ko man liya ki ham par balaon aur vabaon ka hamla isi tabut ki be adabi ki vajah se huva hai. Chunanche, isi liye in logon ne iss mukhaddas tabut ko bel gadi par lad kar bani israel ki basti me bhej diya taki vo log gazabe ilahi ki balaon ke panje kahar se nazath pa len.
4. Jab is tabut ki barkat se bani israel ko jihad me fateh mubun milti thi to zarur buzurgon ki khabron se bhi mominin ki mushkilath dafa hogi aur muraden puri hogi kuin ki zahir hai ki buzurgon ke libas se kahi zaida asare tahamath buzurgon ke badan me hoga.
5. Iss vakhia se ye bhi malum huva ki jo khom sarkashi aur isyan ke tufan me pad kar allah va rasool Sallallahu Alaihi O Sallam ki nafarman ho jati hai uss khom ki nematen chin li jati hain. Chunanche, Aap ne pad liya ki jab bani israyil sarkash ho kar khuda ke nafarman ho gaye aur khism khism ki badkariyon me pad kar gunahon ka bhuth in ke saron par afriyath ban kar suvar ho gaya to in ke zurmon ki nuhusaton ne inhen ye bura din dikhaya ki tabut sakina in ke pass se khome Amalka ke kuffar utha le gaye aur bani israel kayi barson tak iss nemate uzuma se mahroom ho gaye.

Read More

100 Baras Tak Murda Rahe Fir Zinda Ho Gaye

Aksar mufassirin ke nazdik ye vakhia Hazrate Uzair Bin Sharkhiya Alaihis Salam ka hai ye jo Bani Israel ke ek Nabi hain. Vakhiye ki Tafsil ye hai ki jab bani israel ki Amaliyan bahut zaida bad jayi to in par khuda ki taraf se ye Azab aya ki bakhth nasr babili ek kafir badshaa ne bahut badi foz ke saath baitul mukhaddas par hamla kar diya aur shahar ke ek lack bashindon ko khatal kar diya. Aur ek lack ko mulke shaam me idar udar bikher kar abad kar diya. Aur ek lack ko giriftar kar ke londi gulam bana liya. Hazrate uzair Alaihis Salam bhi unhi kaidiyon me the. Iss ke baad us kafir badshaa ne pure shahar baitul mukhaddas ko tod fod kar mismar kar diya aur bilkul viran bana dala.

Bakht Nasr kon tha? :-

Khome amalka ka ek ladka in ke bhut "Nasar" ke pas lavaris pada huva mila chunki iss ke baap ka nam kisi ko  nahi malum tha, iss liye logon ne iss ka nam bakht nasr (nasar ka beta) rakh diya. Kuda ki shaan ki ye ladka bada ho kar kahare asfa badsha ki taraf se saltanate babil par gavarnar mukharrar ho gaya.Fir ye khud dunya ka bahut bada badsha ho gaya.

Kuch dino ke baad hazrate uzair alaihis salam jab kisi tarha "bakht nasr" ki kaid se riha huve to ek ghade par suvar ho kar apne shahar baitul mukhaddas me dakhil huve. Apne shahar ki virani aur barbadi dekh kar un ka dil bhar Aaya aur voh ro pade. Charo taraf chakkar lagaya magar unhen kisi insan ki shakal nazar nahi ayi. Han ye dekha ki vahan ke darakhton par khub zaida fal aye hain jo pak kar tayyar ho chuke hain magar koi in falon ko todne vala nahi hai. Ye manzar dekh kar nihayat hi hasrat va afsos ke saath be ikhtiyar Aap ki zabane mubarak se ye jumla nikal pada ki "Iss shahar ki yesi barbadi aur virani ke baad bhala kis tarha allah tala fir iss ko abad karega?" fir Aap ne kuch falon ko tod kar tanavul farmaya, aur Anguron ko nichod kar uss ka shira nosh farmaya fir bache huve falon ko apne jhole me dal liya aur bache huve angur ke shire ko apni mashk me bhar liya aur apne ghade ko ek mazbuth rassi se band diya. Aur fir Aap ek darakht ke niche lait kar so gaye aur isi  nind ki halat me Aap ki vafat ho gayi aur allah tala ne darindon, parindon aur jinn va insan sab ki ankhon se Aap ko Ojhal kar diya ki koi Aap ko na dekh daka. Yaha tak ki 70 baras ka zamana guzar gaya to mulke france ke badshahon me se ek badshaa apne lashkar ke saath baitul mukhaddas ke iss virane ma dakhil huva. Aur bahut se logon ko yahan la kar basaya aur shahar ko fir dobara abad kar diya. Aur bache khuche bani israel ko jo atraf va javanib me bikhere huve the saab ko bula bula kar iss shahar me abad kar diya. Allah in logon ne nayi imaraten bana kar aur khism khism ke bagh laga kar iss shahar ko pahale se bhi zaida khub surat aur ba ronakh bana diya.

Jab Hazrate Uzair Alaihis Salam ko pure 100 bars vafat ki halat me ho gaye to allah tala ne Aap ko zinda farmaya to Aap ne dekha ki Aap ka ghada mar chuka hai aur uss ki haddiyan gal sad kar idhar udhar bikhri padi hai. Magar thele me rakhe huve fal aur mashk me rakha huva angur ka shira bilkul kharab nahi huva, na falon me koi tagayur na shire me koi bu bas ya bad mazgi paida huvi hai aur Aap ne ye bhi dekha ki ab bhi Aap ke sar aur dadi ke bal kale hain aur Aap ki umr vohi chalis(40) baras hai. Aap hairan ho kar soch me pade the ki Aap par Vahi utari aur allah  tala ne Aap se daryaft farmaya ki ye uzair! Aap kitne dino tak yahan rahe? To Aap ne khayal kar ke kaha ki main subah ke vakht soya tha aur ab asar ka vakht ho gaya hai. ye javab diya ki main din bhar ya din bhar se kuch kam sota raha to Allah Tala ne farmaya ki nahi ye Uzair! Tum pure ek 100 baras yahan tahare rahe, Ab tum hamari kudrat ka nazara karne ke liye zara apne ghade ko dekho ki uss ki haddiyan gal sad kar bikhar chuki hai aur apne khane pine ki chizon par nazar dalo ki un me koi kharabi aur bigad nahi paida huva. Fir irshad farmaya ki ye Uzair! Ab tum dekho ki kis tarha ham in haddiyon ko utha kar in par gosht poshth chada kar iss gadhe ko zinda karte hai. Chunanche, Hazrate Uzair Alaihis Salam ne dekha ki achanak bikhri huve haddiyon me harkat paida huyi aur ek dam tamam haddiyan jama ho kar apne apne jod se mil kar gadhe ka dhancha ban gaya aur lamha bhar me iss dhanche par gosht poshth bhi chad gaya aur gadha zinda ho kar apni boli bolne laga. Ye dekh kar hazrate uzair alaihis salam ne buland avaz se ye kaha.

Tarjuma e Kanzul Imaan:
                  Main khoob janta hun ki allah sab kuch  kar sakta hai.

Is ke baad hazrate uzair alaihis salam shahar ka dora farmate huve uss jagah pahunch gaye jahan ek 100 baras pahale Aap ka makan tha. To na kisi ne Aap ko pahachana  na Aap ne kisi ko pahachana. Han albatta  ye dekha ki ek bahut hi buddi aur apahaz aurat makan ke pas baithi hai jis ne apne bachpan me hazrate uzair alaihis salam ko dekha tha. Aap ne uss se pucha ki kai yehi uzair ka makan hai to uss ne javab diya ki ji han. Fir budiya ne kaha ki uzair ka kai zikr hai? Un ko to 100 baras ho gaye ki vo bilkul hi la pata ho chuke hain ye kah kar budiya rone lagi to Aap ne farmaya ki ye budiya! main hi uzair hun to budiya ne kaha ki Subhanalla Aap kaise uzair ho sakte hain? Aap ne farmaya ki ye budiya! mujh ko allah tala ne ek 100 baras murda rakha. Fir mujh ko zinda farma diya aur main apne ghar Aa gaya hun to budiya ne kaha ki hazrate uzair alaihis salam to yese ba kamal the ki un ki har dua makhbul hoti thi agar Aap vakhayi hazrate uzair alaihis salam hai to mere liye dua kar dijiye ki meri ankhon me roshni Aa jaye aur mera faliz achcha ho jaye. Hazrate uzair alaihis salam ne dua kar di to budiya ki ankhon thik ho gayi aur uss ka faliz bhi achcha ho gaya. Fir uss ne ghor se Aap ko dekha to pahachan liya aur bol uthi ki main shahadat deti hun ki Aap yakhinan hazrate uzair alaihis salam hi hain fir vo budiya Aap ko le kar bani israel ke mahalle me gayi. Ittifakh se vo sab log ek majlis me jama the aur isi majlis me Aap ka ladka bhi mojud tha jo ek 118 baras ka ho chuka tha. Aur Aap ke chand pote bhi the jo saab budde ho chuke the. Budiya ne majlis me shahadat di aur yelan kiya ki ye logon! Bila shuba ye hazrate uzair alaihis salam hi hain magar kisi ne budiya ki bath ko sahih nahi mana. Itne me in ke ladke ne kaha ki mere baap ke dono kandhon ke darmiyan kale rang ka masa tha jo chand ki shakal ka tha. Chunanche, Aap ne apna kurta utar kar dikhaya to vo masa maujud tha. Fir logon ne kaha ki hazrate uzair ko to torait zabani yad thi agar Aap uzair hain to zabani torath pad kar sunayiye. Aap ne bighair kisi jhajak ke foran puri torath pad kar suna di. Bakht nasr badshaah ne baitul mukhaddas ko tabah karte vakhth 40 hazar torath ke alimon ko chun chun kar katal kar diya tha aur torath ki koi jild bhi uss ne zamin par bakhi nahi chodi thi. Ab ye suval paida huva ki hazrate uzair ne torath sahi padi hai ya nahi? to ek admi ne kaha ki mai ne apne baap se suna hai ki jis din ham logon ko bakht nasr ne giraftar kiya tha uss din ek virane me ek angur ki bel ki jad me torath ki ek jild dafan kar di gayi thi agar tum log mere dada ke angur ki jagah ki nishan dehi kar do to main torat ki ek jild baramad kar dunga. Uss vakht pata chal jayega ki hazrate uzair ne jo torath padi hai vo sahi hai ya nahi? Chunanche, logon ne talash kar ke aur zamin khod kar torath ki jild nikal li to vo harf ba harf hazrate uzair ki zabani yad ki huyi torath ke mutabikh thi. Ye ajibo garib aur hairat angez mazara dekh kar saab logon ne ek zaban ho kar ye kahana shuru kar diya ki beshak hazrate uzair yehi hain aur yakhinan ye khuda ke bete hain. Chunanche, Usi din se ye galat aur mushrikana akhida yahudiyon me fail gaya ki "mazallah" hazrate uzair khuda ke bete hain. Chunanche, Aaj tak dunya bhar ke yahudi iss batil akhide par jame huve hain ki hazrate uzair alaihis salam khuda ke bete hain.(Maza Allah)

Allah Tala ne Quran e Majid ki Surah Bakhra me iss vakhiye ko in lafjon me bayan farmaya hai.

Tarjuma e Kanzul Imaan:
                  Ya uss ki tarha jo guzara ek basti par aur voh tayi(giri) padi thi apni chaton par. Bola: Isse kuin kar jilayega allah iss ki maoth ke baad to allah ne use murda rakha 100 baras  fir zinda kar diya, Farmaya : Tu yahan kitna tahara, Arz ki : Din bhar tahara hounga ya kuch kam. Farmaya : Nahi balki tujhe 100 baras guzar gaye aur apne khane aur pani ko dekh ki Ab tak bun laya aur apne ghade ko dekh(Ki jis ki haddiyan tak salamat na rahi) aur ye iss liye ki tujhe ham logon ke vasite nishani karen aur in haddiyon ko dekh kuinkar ham inhen uthan dete fir inhen josht pahanate hain jab ye muamla iss par zahir ho gaya bola : Main khoob janta hun ki allah saab kuch kar sakta hai.

Darse Hidayat:

1. In ayaton me saaf saaf  maujud hai ki ek hi jagah par ek hi Aabo hava me Hazrate Uzair Alaihis Salam ka gadha to mar kar gal sad gaya aur uss ki haddiyan reza reza ho kar bikhar gayi magar falon aur shira e angur aur khud hazrate uzair alaihis salam ki zaath me kisi khisam ka koi taghayyur nahi huva. Yahan tak ki 100 baras me in ke baal bhi safed nahi huve. Iss se sabit hota hai ki ek hi khabristan ke andar ek hi Aabo hava me agar baaz murdon ki lashon gal sad kar fana ho jayen aur baaz buzurgon ki lashe salamat rah jayen aur un ke kafan bhi maile na ho yesa ho sakta hai, Balki barha yesa huva hai aur hazrate uzair alaihis salam ka ye Qurani vakhia iss ki behtarin dalil hai.
2. Baitul Mukhaddas ki tabahi aur birani dekh kar Hazrate Uzair Alaihis Salam gham me dub gaye aur fikar mand ho kar ye kah diya ki iss shahar ki barbadi aur virani ke baad kuinkar allah tala iss shahar ko dobara abad farmayega? Iss se sabith hota hai ki apne vatan aur shahar se mahabbath karna aur ulfath rakhna ye salihin aur allah valon ka tarikha hai.

Read More

70 Hazar Murde Zinda Ho Gaye

Ye Hazrate Hazakhil Alaihis Salam ki khom ka ek bada hi Ibrat khaiz aur intihayi nasihat amez vakhia hai jis ko khudavande khuddus ne quran e majid ki surah e bakhra me bayan farmaya hai.

Hazrate Hazakhil Alaihis Salam  kon the? :-Ye Hazrate Nabi Musa Alaihis Salam ke tisre(3) khalifa hain jo mansabe nabuvath par sarfaraz kiye gaye. Hazrate Nabi Musa Alaihi Salam ka jism mubarak parda farmaneke baad Aap ke khilafa e Avval Hazrate Yusha Bin Noon Alaihis Salam Huve jin ko Allah Tala ne Nubuvath ata farmayi. In ke baad Hazrate Khalib Bin Yuhana Alaihis Salam Hazrate Nabi Musa Alaihis Salam ki khilafat se sarfaraz ho kar martabaye nabuvath par fayiz huve. Fir in ke Baad Hazrate Hazakhil Alaihis Salam Hazrate Musa Alaihis Salam ke Janshin aur Nabi huve.

Hazrate Hazakhil Alaihis Salam ka lakhab ibnul ajuz(Budiya ke Bete) hai. Aur Aap Zul Khifl bhi kahalate hain. "Ibnul Ajuz" kahlane ki vajah ye hai ki ye uss waqth paida huve the jab ki in ki valida majida bahuth buddi ho chuki thi.Aur Aap ka lakhab Zul Khifl iss liye huva ki Aap ne apni khafalat me le kar sattar ambiyaye kiram ko khatl se bacha liya tha jin ke khatl par yahudi khom amada ho gayi thi. Fir ye khud bhi khuda ke fazlo karam se yahudiyon ki talvar se bach gaye aur barson zinda rah kar apni khom ko hidayat farmate rahe.

Murdon ke Zinda Hone ka Vakhiya: 

Iss ka vakhiya ye hai ki bani israel ki ek jamath jo hazrate hazakhil alaihis salam ke shahar me rahati thi, shahar me ta'un ki vaba fail jane se in logon par mauth ka khof suvar ho gaya. Aur ye log mauth ke dar se saab shahar chod kar ek jangal me bhag gaye aur vahi rahne lage to Allah Tala ko in logon ki ye harkat bahut zaida napasand huyi. Chunanche, Allah Tala ne ek Azab ke firishte ko uss jangal me bhej diya. Jis ne  ek pahad ki Aad me chup kar aur chikh mar kar buland avaz se ye kah diya ki " Mau Tu" yani tum sab mar javoge aur iss muhib aur bhayanak chikh ko sun kar bighair kisi bimari ke bilkul achanak ye sab ke sab mar gaye jin ki tadad 70,000 thi. In murdon ki tadad iss khadar zaida thi ki log in ke kafan va dafan ka koi intizam nahi kar sake aur in murdon ki lashen khule maidan me be ghore kafan 8 din tak padi padi sadne lagi aur be intiha tafun aur badbu se pure jangal balki iss ke atraf me badbu paida ho gayi. Kuch logon ne in ki lashon par raham kha kar charon taraf se divar utha di taki ye lashen darindon se mahfuz rahe.

Kuch dino ke baad Hazrate Hazakhil Alaihis Salam ka iss jangal me un lashon ke pas se guzar huva to apni khom ke sattar(70,000) hazar insano ki iss maute nagahani aur be ghore kafan lasho ki firavani dekh kar ranjo gham se in ka dil bhar gaya. Aab dida ho gaye aur Bari Tala ke darbar me dukh bhare dil se gid gida kar dua mangne lage ki ya Allah Ye meri khom ke afrad the jo apni nadani se ye galti kar baithe ki mauth ke dar se shahar chod kar jangal me Aa gaya. Ye saab mere shahar ke bashinde hain in logon se muje uns tha aur ye log mere dukh sukh ke sharik the. Afsos ki meri khom halak ho gayi aur main bilkul akela rah gaya. Ye mere raab ye vo khom thi jo teri hamd karti thi aur teri tohid ka yelan karti thi aur teri kibriyayi ka khutba padti thi.

Aap bade Soje dil ke saath dua me mashgul the ki achanak Aap par ye Vahi utar padi ki ye Hazakhil Alaihis Salam Aap in ki bikhri huyi Haddiyon se farma dijiye ki ye Haddiyon! Beshak Allah Tala tum ko hukum farmata hai ki tum Ikhatta ho javo. Ye sun kar bikhri huvi haddiyon me harkat paida huyi aur har admi ki haddiyan jamaa ho kar haddiyon ke dhanche ban gaye. Fir ye vahi ayi ki ye Hazakhil Alaihis Salam Aap farma dijiye ke ye haddiyon! Tum ko Allah ka ye hukum hai ki tum gosht pahan lo. Ye kalam sunte hi foran haddiyon ke dhanchon par gosht posth chad gaya. Fir tisri bar ye vahi nazil huvi. Ye Hazakil Aab ye kah do ki ye Murdon! Khuda ke hukum se tum sab Ut kar khade ho javo. Chunanche,Aap ne ye farma diya to Aap ki jaban se jumla nikalte hi Sattar Hazar (70,000) lashen dam zadan me nagahan ye padte huve khadi ho gayi ki "Subhanakallahumma Va Bihamdika La Ilaha Illa Anta" Fir ye sab log jangal se ravana ho kar apne shahar me Aa kar dobara abad ho gaye. Aur apni urmon ki muddat bhar jinda rahe lekin in logon par iss mauth ka itna nishan bakhi rah gaya ki in ki avlad ke jismon se sadi huvi lash ki bad bu barabar ati rahi aur ye log jo kapda bhi pahante the vo kafan ki surat me ho jata tha. Aur khabr me jis tarha kafan mela ho jata tha yesa hi melapan in ke kapdon par numudar ho jata tha. Chunanche, ye asrath Aaj tak in yahudiyon me paya jate hain jo in logon ki nasal se bakhi rah gaye hain.

Ye Ajibo Gharib vakhia Quran e Majid ki Surah Bakhra me Khudavande Khuddus ne iss tarha bayan farma ya ki.

Tarjuma e Kanzul Imaan:
                  Ye Mahabub kai tum ne na dekha tha unhen jo apne gharon se nikle aur voh Hazaron the mauth ke dar se to Allah ne un se faramaya mar javo fir unhen jinda farma diya beshak Allah logon par fazl karne vala hai magar aksar log nashukkre hain.

Dars Hidayat: 
                       Bani Israel ke is mahiyyarul Ukhul Vakhiye se mundarijaye zail hidayat milti hai:

1. Admi mauth ke dar se bhag kar apni jan nahi bacha sakta. Lihaza mauth se bhagna bilkul hi bekar hai.Allah Tala ne jo mauth mukaddar farma di hai vo apne vakht par zarur ayegi na ek secound apne vakhth se pahale Aa sakti hai na ek secound Baad Ayegi lihaza Bandon ko lazim hai ki razaye ilahi par razi rah kar sabiro shakir rahen aur khwa kitni hi vaba faile ya dhumsan ka ran pade itminan va sukun ka daman apne haath se na choden aur ye yakhin rakhen ki jab tak meri mauth nahi ati muje koi nahi mar sakta aur na main mar sakta hun aur jab meri mauth Aa jayegi to main kuch bhi karun, kahi bi chala jaun,bhag jaun ya dat kar khada rahun main kisi hal me bach nahi sakta.
2. Iss Ayath me khas tor par mujahidin ko hidayat ki gayi hai ki jihad se gurez karna ya maidane jang chod bhag jaya hargiz mauth ko dafa nahi kar sakta lihaza mujahidin ko maidane jang me dil mazbuth kar ke date rahana chahiye aur ye yakhin rakhna chahiye ki main mauth ke vakht se pahale nahi mar sakta, na koi mujhe mar sakta hai. Ye akhida rakhne vala iss khadar bahadur aur sher dil ho jata hai ki khof  aur buzdili kabhi uss ke kharib nahi ati aur uss ke paye istikhalal me kabhi bal barabar bhi koi lagjish nahi Aa sakti. Islam ka bakhsha huva yehi vo mukhaddas akhida hai ki jis ki badolat mujahidine islam hazaron kuffar ke mukable me tanha pahad ki tarha jam kar jang karte the. Yahan tak ki fatheh mubin in ke khadmon ka bosa leti thi. Aur vo har jang me Muzaffar va mansur ho kar arze azim aur male ghanimath ki daulath se mala mal ho kar apne gharon me iss hal me vapas ate the ki un ke jismon par zakhamon ki koi kharash bhi nahi hoti thi aur vo kuffar ke dal badal lashkaron ka safaya kar dete the. Shayire mashrukh ne iss manzar ki tasbir kashi karte huve kisi mujahide islam ki zaban se ye tarana sunaya hai ki. 

                                               Taa'l na sakte the Agar jang me Aad jate the

                                              Paon Sheron ke bhi maidan se Ukhad jate the.

                                                                    Haq se sarkash huva koi to bigad jate the

                                                                   Taigh kai chiz hai? Ham Top se lad jate the.

                                             Naksh tohid ka har dil pe bithaya ham ne

                                             Zere Khanjar bhi ye paigham sunaya ham ne.

                                                                                                                    (Kulliyate Iqbal)

 Latifa:-

              Mankhul hai ki banu umaya ka badsha abdull malik bin marvan jab mulke shaam me taun ki vaba faili to mauth ke dar se ghode par  savar ho kar Apne shahar se bhag nikala aur saath me apne khas  ghulam aur kuch faiz bhi le li aur vo taun ke dar se iss khadar khayif aur harasan tha ki zamin par paon nahi rakhta tha balki ghode ki push par sota tha. Daurane safar ek raath us ko nind nahi ayi. To us ne apne ghulam se kaha ki tum mujhe khissa sunavo. To hoshiyar ghulam ne badsha ko nasiyat karne ka mokha pa kar ye khissa sunaya ki ek lomdi apni jan ki hifazat ke liye ek sher ki khidmat guzari kiya karti thi to koi darinda sher ki haibat ki vajah se lomdi ki taraf dekh nahi sakta tha. Aur lomdi nihayat hi be khofi aur itminan se sher ke saath zindagi basar karti thi. Achanak ek din ek ukhab lomdi par jhapta to lomdi bhag kar sher ke pas chali gayi. Aur sher ne uss ko apni pit par bitha liya. Ukhab dobara jhapata aur lomdi ko sher ko pit par se apne chungal me daba kar ud gaya. Lomdi chilla chilla kar sher se faryad karne lagi to sher ne kaha ki ye lomdi! Main zamin par rahane vale darindon se teri hifazath kar sakta hun lekin asman ki taraf se hamla karne valon se main tujhe nahi bacha sakta. Ye khissa sun kar Abdul Malik Badshaa ko badi ibrath hasil huyi aur un ki samaj me Aa gaya ki meri foz un dushmano se to meri hifazat kar sakhti hai jo zamin par rahate hain magar jo balayen aur vabayen asman se mujh par hamla avar ho, Un se mujh ko na meri badshahi bacha sakhti hai na mera khazana aur na mera lashkar meri hifazat kar sakta hai. Asmani balavon se bachane vala to bujuz Khuda ke aur koi nahi ho  sakta. Ye soch kar abdul malik badshaa ke dil se, Taun ka khof jata raha aur vo raza e ilahi par razi rah kar sukun va itminan ke saath apne shahi mahal me rahane laga.

Read More

Dunya Ki Sab Se Khimti Gay(Cattle)

Ye Bahut hi aham aur nihayat hi shandar Qurani vakhiya hai. Aur isi vakhiye ki wajah se Quran e Majid ki iss Surah ka Naam "Surah Bakhra"(Gay vali surah, Surah of Cattle) rakha gaya hai.

Iss ka vakhia ye hai ki bani Israel me ek bahut hi nek aur saleh buzurg the aur un ka ek hi bachcha tha jo nabalig tha. Aur un ke pas fakhat ek gay-cattle ki bachiya thi. Un buzurg ne apni vafat ke kharib us bachiya ko jangal me le jaa kar ek jhadi ke pas ye kaha kar chod diya ki ya Allah Azzawajal main iss bachiya ko us vakht tak teri amanat me deta hun ki mera bachcha balig ho jaye. Iss ke bad un buzurg ki vafat ho gayi aur bachiya chand dino me badi ho kar darmiyani umr ki ho gayi aur bachcha javan ho kar apni maa ka bahut hi farma bardar aur intihayi nekokar huva. Uss ne apni raat ko tin hisson me taksim kar rakha tha. Ek hisse me sota tha, ek hisse me ibadat karta tha, aur ek hisse me apni maa ki khidmat karta tha.Aur vo rozana suboh ko jangal se lakdiyan kat kar lata aur un ko farokht kar ke ek tihayi rakham sadka kar deta aur ek tihayi apni zath par kharch karta aur ek tihayi rakham apni valida ko de deta.

      Ek din ladke ki maa ne kaha ki mere pyare bete! Tumhare baap ne miras me ek bachiya chodi thi jis ko unho ne fulan jhadi ke pass jangal me khuda azzawajal ki amanat me somp diya tha. Ab uss jhadi ke pas ja kar yun dua mango ki ye hazrate ibrahim va hazrate ismayil va hazrate ishakh Alaihis Salam ke khuda! Tu mere baap ki sompi huyi amanat mujhe vapas de de aur uss bachiya ki nishani ye hai ki voh pile rang ki hai.Aur Uss ki khal iss tarha chamak rahi hogi ki goya suraj ki kirane uss me se nikal rahi hai. Ye sun kar ladka jangal me us jhadi ke pas gaya aur dua manggi to foron hi vo gay-cattle daudti huyi Aa kar uss ke pass khadi ho gayi aur ye uss ko pakad kar ghar laya to us ki maa ne kaha.Beta tum iss gay(cattle) ko le ja kar bazar me tin dinar me farokht kar dalo. Lekin kisi grahak ko baghair mer mashvare ke mat dena. Un dino bazar me gaya ki khimat tin dinar hi thi. Bazar me ek grahak aya jo dar hakhikat farishta tha. Us ne kaha ki main gay(cattle) ki khimat tin dinar se zaida dunga tum maa se mashvara kiye baghair gay(cattle) mere haat farokht kar dalo. Ladke ne kaha ki tum khav kitnibhi zaida khimat do magar main apni maa se mashvara kiye baghair hargiz hargiz iss gay(cattle) ko nahi bechunga. Ladke ne maa se sara majra bayan kiya to maa ne kaha ki ye grahak shayad koi firishta ho. To ye bete! Tum uss se mashvara karo ki ham iss gay(cattle) ko abhi farokht karen ya na karen. Chunanche, Us ladke ne bazar me jab uss grahak se mashvara kiya to uss ne kaha ki abhi tum iss gay(cattle) ko farokht na karo. Ayinda iss gay(cattle) ko Hazrate Nabi Musa Alaihis Salam ke log kharidenge to tum iss gay(cattle) ke chamde me sona bhar kar iss ki khimat talab karna to vo log itni hi khimat de kar kharidenge.

                 Chunanche,Chand hi dino ke bad bani israel ke ek bahut maldar admi ko jis ka naam amil tha.Uss ke chacha ke dono ladkon ne uss ko katal kar diya.Aur uss ki lash ko ek virane me dal diya.suboh ko katil ki talash shuru huyi magar jab koi surag na mila to kuch log Hazrate Nabi Musa Alaihis Salam ki khidmat me hazir huve aur katil ka pata pucha to Aap ne farmaya ki tum log ek gay(cattle)  zabah karo aur uss ki zaban ya dum ki haddi se lash ko maro to vo zinda ho kar khud hi apne katil ka naam bata dega. Ye sun kar bani israel ne gay(cattle) ke rang,uss ki umr vaghaira ke bare me bahas va kuraid shuru kar di.Aur bil akhir jab vo achchi tarha samaj gaya ki fulan khism ki gay(cattle) chahiye to yesi gay(cattle) ki talash shuru kar di yahan tak ki jab ye log uss ladke ki gay ke pas pahunche to hu ba hu ye yesi hi gay(cattle) thi jis ki is logon ko zarurat thi. Chunanche, in logon ne gay(cattle) ko uss ke chamde me bhar kar sona uss ki khimat de kar kharida aur zabah kar ke uss ki zaban ya dum ki haddi se makhtul ki lash ko mara to vo zinda ho kar bol utha ki mere katil mere chacha ke dono ladke hain jinho ne mere maal ke lalach me mujh ko katal kar diya hai ye bata kar fir vo mar gaya. Chunanche,un dono katilon ko kisas me katal kar diya gaya aur murde saleh ka ladka jo apni maa ka farma bardar tha kasir dolath se mala mal ho gaya.

              Iss pure mazmun ko Quran e Majid ki mukhaddas ayaton me iss tarha bayan farmaya gaya hai:
Tarjuma e Kanzul Imaan:
                  Aur jab Nabi Musa ne apni khom se farmaya: Khuda tumhen hukum deta hai ki ek gay(Cattle) zabah karo, bole ki Aap hamen maskhara banate hain. Farmaya: Khuda ki panah ki main zahilon se houn.  Bole : Apne rab se dua kijiye ki vo hame bata de gay(Cattle) kaisi. kaha : Vo farmata hai ki vo ek gay(Cattle) hai na buddi aur na ausar balki in dono ke bich me,to karo jis ka tumhen hukum hota hai. Bole Apne raab se dua kijiye hame bata de uss ka rang kai hai? Kaha : Vo farmata hai, vo ek pili gay hai. Jis ki rangat dahadahati dekhne valon ko khushi deti. Bole : Apne raab se dua kijiye ki hamare liye saaf bayan karen vo gay(Cattle) kaisi hai beshak gayon me ham ko shuba pad gaya aur allah chahe to ham rah pa jayenge.Kaha : Vo farmata hai ki vo ek gay(Cattle) hai jis se khidmat nahi li jati ki zamin jote aur na kheti  ko pani de, be yeb hai jis me koi dagh nahi.Bole: Aab Aap thik batlaya. To use zabah kiya aur zabah karte malum na hote the. aur tum ne ek khoon kiya to ek duste par iss ki tohmat dalne lage.Aur allah ko zahir karna jo tum chupte the. To ham ne farmaya uss makhtul ko iss gay ka ek tukda maro.Allah yunhi murde jilayega aur tumhen apni nishaniyan dikhata hai ki kahi tumhen akhal ho.

Darse Hidayat:

Iss vakhiye se bahut si ibrat angrez aur nasihat khaiz baten aur ahkam malum huve in me se chand ye hai jo yad rakhne ke kabil hai:

1. Khuda ke nek bandon ke chode huve mal me badi  khairo barkat hoti hai. Dekh lo ki uss marde saleha ne sirf ek bachiya chod kar vafat payi thi magar allah tala ne iss me itni barkat ata farmayi ki in ke varison ko iss ek bachiya ke zariye beshumar dolat mil gayi.
2. Uss marde saleha ne avlad par shafkhat karte huve bachiya ko allah ki amanat me sompa tha to iss se malum huva ki avlad par shafkhat rakhna aur avlad ke liye kuch mal chod jaya ye allah valon ka tarikha hai.
3. Maa Baap ki farma bardari aur khidmat guzari karne valon ko khudavande karim ghaib se be shumar rizkh ka saman ata farma deta hai. Dekh lo ki uss yatim ladke ko maa ki khidmat aur farma bardari ki badolat allah tala ne kis khadar sahibe maal aur khush hal bana diya.
4. Khudavande khudus ke ahkam me bahas aur kureda karna musibaton ka sabab huva karta hai.Dekh lo bani israel ko ek gay(Cattle) zabah karne ka hukum huva tha. Vo koi si bhi ek gay(Cattle) zabah kar dete to farz ada ho jata magar un logon ne jab bahas aur kureda shuru kar di ki kaisi gay(Cattle) ho?kaisa rang ho?Kitni umr ho?To musibat me pad gaye ki unhen ek yesi gay(Cattle) zabah karni padi jo bilkul nayab thi. Isi liye uss ki khimat itni zaida ada karni padi ki dunya me kisi gay (Cattle) ki itni khimat na huyi, na ayinda hone ki ummid hai.
5. Jo apna maal allah tala ki amanat me somp den allah tala uss ki hifazat farmata hai aur uss me be hisab khairo barkat ata farma deta hai.
6. Jo apne ahalo ayal ko allah tala ke sipurd farma de allah tala uss ke ahalo ayal ki yesi parvarish farmata hai ki jis ko koi soch bhi nahi sakta.
7. Amirul muaminin hazrate Ali Karamallahu Tala Vajhahul Karim ne farmaya ki jo pile rang ka juta pahanega vo hamesha khush rahega.aur uss ko gham bahut kam hoga. Kuin ki allah tala ne pili gay(Cattle) ke liye ye farmaya ki "Tasurrun Nazirina" ki vo dekhne balon ko khush kar deti hai.
8. Iss se malum huva ki kurbani ka janvar jis khadar bhi zaida be yeb aur khub surat aur khimti ho usi khadar zaida behtar hai.

Read More

Barah Hazar Yahudi Bandar Ho Gaye

Rivayat hai ki Hazrate Nabi Dawood Alaihis Salam ki khom ke sattar hazar admi "Ukhaba" ke pas samandar ke kinare "Yila" nami gaon me rahate the aur ye log badi farakhi aur khushhali ki zindagi basar karte the. Allah Tala ne un logon ka iss tarha imtihan liya ki sanichar ke din Machli ka shikar un logon par haram farma diya aur hafte ke baki dino me shikar halal farma diya magar iss tarha un logon ko azmayish me mubtala farma diya ki sanichar ke din be shumar machliyan ati thi aur dusre dino me nahi ati thi to shaitan ne un logon ko ye hila bata diya ki samandar se kuch naliyan nikal kar khushki me chand haiz bana lo aur jab sanichar ke din un naliyon ke zariye machliyan haiz me Aajayen to naliyon ka muh band kar do. Aur uss din shikar na karo balki dusre din asani ke saath un machliyon ko pakd lo. Un logon ko ye shaitani hila bazi pasand Aa gayi aur un logon ne ye nahi socha ki jab machliyan naliyon aur hozon me mukhayyad ho gayi to yehi un ka shikar ho gaya. To sanichar hi ke din shikar karna paya gaya jo un ke liye haram tha. Iss mokha par in yahudiyon ke tin guroh ho gaye.

1. Kuch log yese the jo shikar ke iss shaitani hile se mana karte rahe aur naraz va bezar ho kar shikar se baz rahe.
2. Aur kuch log iss kam ko dil se bura jan kar khamosh rahe dusron ko mana na karte the balki mana karne balon se ye kahte the ki tum log yesi khom ko kuin nasihat karte ho jinhen Allah Tala halak karne vala ya sakht saza dene vala hai.
3. Aur kuch vo sarkash va nafarman log the jinhone hukume khudabandi ki yelaniya mukhalfat ki aur shaitan ki hila bazi ko man kar sanichar ke din shikar kar liya aur un machliyon ko khaya aur becha bhi.

Jab nafarmano ne mana karne ke ba wazud shikar kar liya to mana karne vali zamath ne kaha ki ab ham in masiyat karon se koi mel milap na rakhenge chunanche, un logon ne gaon ko taksim kar ke darmiyan me ek divar bana li aur amado raft ka ek alag darvaza bhi bana liya. Hazrate Nabi Dawood Alaihis Salam ne gazab nak ho kar shikar karne valon par lanath farma di. Iss ka asar ye huva ki ek din khata karon me se koi bahar nahi nikla. To unhen dekhne ke liye kuch log divar par chad gaye to kai dekha ki vo sab bandaron ki surat me maskh ho gaye hain. Ab log un mujrimon ka darvaza khol kar andar dakhil huve to vo bandar apne rishtedaron ko pahachante the aur un ke pas Aa kar un ke kapdon ko sundte the aur zaro zar rote the, Magar log un bandar ban jane valon ko nahi pahachante the. Un bandar ban jane valon ki tadad barah hazar thi. Ye sab tin din tak zinda rahe aur iss darmiyan me kuch bhi kha pi na sake balki yun hi bhukhe pyase sab ke sab halak ho gaye. Shikar se mana karne vala guroh halakat se salamat raha. Aur sahih kol ye hai ki dil se bura jan kar khamosh rahne valon ko bhi Allah Tala ne halakat se bacha liya.

       Iss vakhiye ka izmali bayan to surah bakhrah ki iss ayat me hai:

Tarjuma e Kanzul Imaan:
                  Aur beshak zarur tumhen malum hai tum me ke voh jinho ne hafte me sarkashi ki to ham ne un se farmaya ki ho jao bandar dhuthkare huve.

Aur Mufassal vakhia surah Arafa me hai jis ka tarjama ye hai:
     
Tarjuma e Kanzul Imaan:
                  Aur un se hal pucho us basti ka ki darya kanare thi.Jab vo hafte ke bare me had se badte. Jab hafte ke din un  machliyan pani par tairti un ke samne ati aur jo din hafte ka na hota na Aati iss tarha ham unhen azmate the un ki be hukmi ke sabab aur jab un me se ek guroh ne kaha kuin nasihat karte ho un logon ko jineh Allah halak karne vala hai ya unhen sakhth azab dene vala. Bole tumhare raab ke huzur mazirat ko aur shayad unhen dar ho fir jab voh bula baithe jo nasihat unhen huyi thi ham ne bacha liye voh jo burayi se mana karte the.Aur jalimon ko bure azab me pakada badla un ki nafarmani ka. Fir jab unhon ne mumanath ke hukum se sarkashi ki ham ne un se farmaya ho jao bandar dhuthkare huve.

Darse Hidayath:

Malum huva ki shaitani hila baziyon me pad kar allah tala ke ahkam ki nafarmaniyon ka anjam kitna bura aur kis khadar khatarnak hota hai. Aur khuda ke nabi jin bad nasibon par lanat farma den vo kaise holnak azabe ilahi me giriftar ho kar dunya se nisto nabud ho kar azabe nar me giraftar ho jate hain aur dono jahan me zalilo khwar ho jate hain. Nauzbillah.

Ashabe yila ke iss dil hila dene bale vakhiye me har musalman ke liye bahut badi ibraton aur nasihaton ka saman hai. Kaash! Iss vakhiye se Musalmano ke kulub me khofe khudavandi ki lahar paida ho jaye aur vo Allah va Rasool Sallallahu Alaihi O Sallam ki nafarmaniyon ki pagdiyon me batkane se muh mod kar sirate mustakhim ki shahrah par chal pade aur dono jahano ki sar bulandiyon se sarfaraz ho kar yezaz va ikram ki saltanat ke tajdar ban jayen.

Read More

Roshan Haath

Hazrate Nabi Musa Alaihis Salam ko jab Allah Tala ne Firon ki hidayat ke liye uss ke darbar me bheja to do mojizat Aap ko ata farma kar bheja. Ek "Asa" dusra "Yade Baiza" (Roshan Haath) hazrate musa Alaihis Salam apne gireban me haath dal kar bahar nikalte the to ek dam Aap ka haath roshan ho kar chamakne lagta tha, fir jab Aap apna haath gireban me dal dete to vo apni asali halat par ho jaya karta tha. Iss mojize ko Quran Ne Azim ne mukhtalif suraton me bar bar zikr farmaya hai. Chunanche Surah Taha me irshad farmaya ki.

Tarjuma e Kanzul Imaan:
                  Aur apna haath apne bazu se mila khub safed niklega be kisi marz ke ek aur nishani ki ham tujhe apni badi badi nishaniyan dikhayen.

Isi mojize ka naam "Yade Baiza" hai jo ek ajib aur azim mojiza hai. Hazrate Ibne abbas Raziyallahu Tala Anha ne farmaya ki hazrate nabi musa alaihis salam ke daste mubarak se raat aur din me aftab ki tarha noor nikalta tha.

Manna Va Salva

Jab Hazrate Nabi Musa Alaihis Salam 6 lack bani israel ke afrad ke saath maidane tih me mukhim the to allah tala ne un logon ke khane ke liye asman se do khane utare. Ek  ka naam "manna" aur dusre ka naam "Salva" tha. Manna bilkul safed shahad ki tarha ek halva tha.Ya safed rang ki shahad hi thi jo rozana asman se barish ki tarha barasti thi aur salva paki huyi bateren thi jo dakhkhani hava ke saath asman se nazil huva karti thi.Allah Tala ne bani Israel par apni nematon ka shumar karte huve Quran ne Majid me irshad farmaya ki

Tarjuma e Kanzul Imaan:

                  Aur tum par manna aur salva utara.

Iss manna va salva ke bare me Hazrate Nabi Musa Alaihis Salam ka ye hukum tha ki rozana tum log iss ko kha liya karo aur kal ke liye hargiz hargiz iss ka zakhira mat karna. Magar baaz zaiful etikhad logon ko ye dar lagne laga ki agar kisi din manna va salva na utra to ham log iss be abo giyah, chatyal maidan me bhukhe mar jayente. Chunanche,un logon ne  kuch chupa kar kal ke liye rakh liya to nabi ki nafarmani se yesi nuhusat fail gayi ki jo kuch  logon ne kal ke liye jama kiya tha vo saab sad gaya aur ayinda ke liye iss ka utarna band ho gaya isi liye Huzure Akdas Sallallahu Alaihi O Sallam ne irshad farmaya ki bani israel na hote to na khana kabhi kharab hota aur na gosht sadta, khane ka kharab hona aur josht ka sadna usi tarikh se shuru huva. Varna iss se pahle na khana bigadta tha na gosht sadta tha.

Read More

Maidan E Tih

Jab Firon darya e neel me gharkh ho gaya aur tamam bani israel Musalman ho gaye aur jab Hazrate Nabi Musa Alaihis Sallam ko itminan nasib ho gaya to allah tala ka hukum huva ki Aap bani israel ka lashkar le kar arze mukhaddas(Bait Ul Mukhaddas) me dakhil ho jayen. Uss waqth bait ul mukhaddas par Amalka ki khom ka kabza tha jo badtarin kuffar the aur bahut takatvar jangjuh aur nihayat hi zalim log the chunanche,

           Hazrat Nabi Musa Alaihis Salam 6 Lack bani israel ko hamrah le kar khome Amalka se jihad ke liye ravana huve magar jab bani israel bait ul mukhaddas ke karib pahunche to ek dam buzdil ho gaye aur kahane lage ki iss shahar me "Jabbarin" (Amalka) hai jo bahut hi zor avar aur zabardast hain.Lihaza jab tak ye log shahar me rahenge ham hargiz hargiz shahar me dakhil nahi honge balki bani israel ne hazrate nabi musa alaihis salam se yahan tak kah diya ki ye nabi musa Aap aur Aap ka khuda ja kar iss zabardast khom se jang karen. Ham yahi baithe rahenge. Bani israel ki zaban se ye sun kar Hazrate Nabi Musa Alaihis Salam ko bada ranj va sadma huva aur Aap ne bari tala ke darbar me ye arz kiya ki.

Tarjuma e Kanzul Imaan:
                  Ye Raab mere mujhe ikhtiyar nahi magar apna aur apne bhai ka to tu ham ko in be hukumon se juda rakh.

Iss Dua par allah tala ne apne gazab va jalal ka izhar karte huve farmaya ki.

Tarjuma e Kanzul Imaan:
                  To voh jamin un par haram hai chalis baras tak bhatakte firen jamin me to tum un be hukmon ka afsos na khao.

Iss ka natija huva ki ye 6 lack bani israel ek maidan me chalis baras tak bhatakte rahe magar iss maidan se bahar na nikal sake. Isi maidan ka naam "Maidan E Tih" hai. Iss maidan me bani israel ke khane ke liye "Munna va Salva" nazil huva. Aur patthar par Hazrate Musa Alaihis Salam ne apna Asa mar diya to patthar me se barah chashme zahir ho gaye. Iss vakhiye ko Quran E Majid ne bar bar mukhtalif unvano ke saath bayan farmaya hai. Jis me se sura e maida me ye vakhia khadre tafsil ke saath mazkur huva hai jo bilashuba ek azimushshan vakhia hai jo bani israel ki nafarmaniyon aur shararaton ki taAjjub khaiz aur hairat angrez dastan hai magar iss ke bavajud bhi Hazrate Nabi Musa Alaihis Salam ki mohabbath va shafakhat bani israel par hamesha rahi ki jab ye log maida e tih me bhuke pyase huve to Hazrate Nabi Musa Alaihis Salam ne dua mang kar iss logon ke khane ke liye manna va salva nazil karaya. Aur patthar par Asa mar kar barah chashme zari kara diye iss se hazrate nabi musa alaihis salam ke sabr aur Aap ke hilm aur tahammul ka andaza kiya ja sakta hai.

Read More

Nabi Musa Ka Daud Ne Wala Patthar

Ye ek haat lamba ek haat choda chokura patthar tha, Jo hamesha Hazrate Nabi Musa Alaihis Salam  ke Jhole me rahta tha. Iss mubarak patthar ke zariye hazrate Nabi Musa Alaihis Salam ke 2 Mojizath ka zahur huva. Jin ka tazkira Quran E Majid me bhi huva hai.

Pahala Mojiza:

Iss patthar ka pahala ajib karnama jo dar hakhikat hazrate nabi musa alaihis salam ka mojiza tha vo iss patthar ki danishmandana lambi daud hai aur yehi mojiza iss patthar ke milne ki tarikh hai. Iss ka mufassal vakhiya ye hai ki bani israel ka ye Aam dastur tha ki vo bilkul nange badan ho kar majmaye Aam me gusul kiya karte the.Magar Hazrate Nabi Musa Alaihis Salam goya ki isi khom ke ek fard the aur isi mahol me pale bade the, Lekin khudabande khuddus ne un ko nabuvath va risalat ki azmaton se sarfaraj farmaya tha. Iss liye Aap ki ismate nabuvath bhala iss haya soj be ghairati ko kab gavara kar sakti thi? Aap bani israel ki iss behayayi se sakht nalan aur intihayi bezar the iss liye Aap hamesha ya to tanhayi me ya tahaband pahan kar gusul farmaya karte the. Bani Israel ne jab ye dekha ki Aap kabhi bhi nange ho kar gusul nahi farmate to zalimo ne Aap par bohtan laga diya ki Aap ke badan ke androni hisse me ya to bars ka safed dagh ya koi yesa yeb zarur hai ki jis ko chupane ke liye ye kabhi barhana nahi hote aur zalimo ne iss tohmat ka iss khadar yelan aur charcha kiya ki har kunche va bazar me iss ka propaganda fail gaya. Iss makruh  tohmat ki shorish ka Hazrate Nabi Musa Alaihis Salam ke balbe nazuk par bada sadma va ranj guzara aur Aap badi khofat aur aziyat me pad gaye.To khudabande khuddus apne mukhaddas kalim ke ranjo gham ko bhala kab gavara  farmata. Aur apne ek barguzida rasool par ek yeb ki tohmat bhala khalikhe alam ko kab aur kuinkar aur kis tarha pasand ho sakti thi. ArhamurRahimin ne Aap ki baraAt aur be yebi zahir kar dene ka ek yesa zaria paida farma diya ki dam zadan me bani israel ke propaganda aur un ke shukhuk va shubhat ke badla chat gaye aur Aap ki barAt aur be yebi ka suraj aftabe alam tab se zaida roshan va  ashkar ho gaya.

        Aur vo yun huva ki ek din Aap pahadon ke damano me chupe huve ek chashme par gusul ke liye tashrif le gaye aur ye dekh kar ki yahan door door tak kisi insaan ka namo nishan nahi hai, Aap apne tamam kapdon ko ek patthar par rakh kar aur bilkul barhana badan ho kar gusul farmane lage, gusul ke baad jab Aap libas pahanne ke liye patthar ke pass pahunche to kai dekha ki vo patthar Aap ke kapdon ko liye huve sarpat bhag chala jaa raha hai. Ye dekh kar hazrate nabi musa alaihis salam bhi uss patthar ke piche piche daud ne lage ki "Subi Hajar,Subi Hajar" Yani ye patthar! mera kapda.ye patthar mera kapda.Magar ye patthar barabar bhagta raha. Yahan tak ki shahar ki badi badi sadkon se guzarta huva gali kunche me pahunch gaya. Aur Aap bhi barhana badan hone ki halat me barabar patthar ko dodate chale gaye. Iss tarha Bani Israel ke har chote bade ne apni Aankhon se dekh liya ki sar se paon tak Aap ke mukhaddas badan me kahin bhi koi yeb nahi hai balki Aap ke jisme akdas ka har hissa husno jamal me iss khadar nukhta e kamal ko pahuncha huva hai ki Aam inshano me iss ki misal takriban muhal hai. Cunanche,Bani israel ke har har fard ki zaban par yehi jumla tha ki "Khuda ki khasam Musa Bilkul hi be yeb hain".

 Jab ye patthar puri tarha hazrate Nabi Musa Alaihis Salam ki baraAt ka yelan kar chuka to khud ba khud tahar gaya. Aap ne jaldi se apna libas pahan liya aur uss patthar ko utha kar apne jhole me rakh liya.

Allah Tala ne iss bakhiya ka zikr Quran Ne Majid me iss tarha bayan farmaya ki

Tarjuma e Kanzul Imaan:

               Ye imaan valon uss jaise na hona jinho ne musa ko sataya to allah ne use bari farma diya iss baat se jo unho ne kahi. Aur musa allah ke yaha abru vala hai.

Dusra Mojiza:

"Maidane Tih" me isi patthar par hazrate Nabi musa Alihis Salam Asa mar diya tha to iss me se barha(12) chashme jari ho gaye the jis ke pani ko chalis baras tak bani israel maidane tih me istimal karte rahe. jis ka pura vakhiA pahle guzar chuka hai Qurane Majid ki ayath 

Me "Pattahar" se yehi patthar murad hai.

Ek Shube Ka Izala:

                                       Mojizat ke munkirin jo har chiz ko apni nakis akal ki aynak hi se dekha karte hain.Iss patthar se pani ke chashmo ka jari hona muhal karar de kar iss mojize ka inkar karte hain aur kahte hain ki hamari akal iss ko kabul nahi kar sakti ki itne chote se patthar se barah chashme jari ho gaye. Halan ki ye munkirin apni Aakhon se dekh rahe hain ki baaz pattharon me khudabande tala ne ye tasir paida farma di hai ki voh bal mund dete hain, baaz pattharon ka ye asar hai ki voh sirke ko tez aur tursh bana dete hain, Baaz pattharon ki ye khasiyat hai ki vo lohe ko door se khinch lete hain, baaz pattharon se muzi janvar bhag jate hain, Baaz pattharon se janvaron ka zahar utar jata hai, Baaz patthar dil ki dhadkan ke liye tiryak hain, Baaz pattharon ko na Aag jala sakti hai na garm kar sakti hai, Baaz pattharon se Aag nikal pad ti hain,Baaz pattharon se atsho fashan fat padta hai to jab khudabande khuddus ne pattharon me khism khism ke asarat paida farma diye hain to fir iss me kon si khilafe akhal aur muhal baat hai ki hazrate Nabi musa alaihis salam  ke iss patthar me allah tala ne ye asar bakhsh diya aur iss me ye khasiyat ata farma di ki vo zamin ke andar se pani jazb kar ke chashmon ki shakal me bahar nikalta rahe ya iss patthar me ye tasir ho ki jo hava iss patthar se takrati ho vo pani ban kar musalsal bahti rahe ye khudabande khadir va khadir ki khudrat se hargiz hargiz na koi bayid hai na muhal na khilafe akhal. Lihaza iss mojize par imaan lana zaruriyate deen me se hai aur iss ka inkar kufr hai Quran E Majid me hai:

Tarjuma e Kanzul Imaan:

                  Aur pattharon me to kuch voh hai jin se nadiyan baha nikalti hai aur kuch voh hain jo fat jate hain to un se pani nikalta hai aur kuch voh hain ki allah ke dar se gir padte hain.

Bahar haal pattharon se pani nikalna ye rozana ka chashmadid mushahada hai to fir bhala hazrate nabi musa alaihis salam ke patthar se pani ke chashmon ka jari ho jana kuinkar khilafe akhal aur muhal karar diya ja sakta hai.

Read More

Jannat Ki Lathi

Ye Hazrate Nabi Musa Alaihis Salam ki vo Mukhaddas lathi hai.Jis ko "Asa E Musa" kahte hain iss ke zariye Aap ke bahuth se un mojizath ka zahur huva jin ko Quran E Majid me mukhtalif Unvano ke saath bar bar bayan farmaya hai.

Iss Mukhaddas lathi ki tarikh bahut khadim hai jo apne daman me saikdon un tarikhi vakhiyath ko samete huve hai jin me ibraton aur nasihaton ke hazaron nishanath sitaron ki tarha jagmaga rahe hain.Jin se ahle nazar ko basirat ki roshni aur hidayat ka noor milta hai.

Ye Lathi Hazrate Musa Alaihissalam ke khad barabar das haat lambi thi.Aur iss ke sar par do shakhen thi jo raat me Mashal ki tarha roshan ho jaya karti thi. Ye jannat ke darakht "Pilu" ki lakdi se banayi gayi thi aur iss ko Hazrate Adam Alaihis Salam bahisht se apne saat laye the.Chunanche,Hazrate Syed Ali Hizveri Alaihi Rahamath ne farmaya ki.

Tarzama: Hazrate Adam Alaihis Salam ke saat Und (Khushbudar Lakdi), Hazrate Musa Alaihis Salam ka Asa (Jo Izzath vali pilu ki lakdi ka tha),Anjeer ki pattiyan,Hazare Asvad jo makka e muazzama me hai aur nabi e muazzama hazrate Suleman Alaihis Salam ki Angothi ye pancho chizen Jannat se utari gayi.

Hazrate Adam Alaihis Salam ke Baad ye mukhaddas asa hazrate Ambiya e kiram Alaihimus Salatu vassalam ko yake baad digare batore miras ke milta raha. Yahan tak ki Hazrate Shoyeb Alaihis Salam ko mila jo "Khome Madyan" ke nabi the jab hazrate musa alaihis salam misar se hijrat farma kar madyan tashrif le gaye hazrate shoyeb alaihis salam ne apni sahibzadi (hazrate bibi safura Raziyallahu Tala Anha) se Aap ka nikah farma diya. Aur Aap das baras tak hazrate shoyeb alaihis salam ki khidmat me raha kar Aap ki bakriyan charate rahe. Uss waqth hazrate shoyeb alaihis salam ne hukume khudavandi azzawajal ke mutabik Aap ko ye mukhaddas asa ata farmaya.

Fir jab Aap apni zojaye mohtarma ko saat le kar madyan se misar apne vatan ke liye ravana huye aur vadiye mukhaddas makame "Tuva" me pahunche to Allah Tala ne apni tajalli se Aap ko sarfaraz farma kar mansabe risalat ke sharaf se sarbuland farmaya. Uss waqth Hazrate Hakha jalmajda ne Aap se jiss tarha kalam farmaya.Quran E Majid ne uss ko iss tarha bayan farmaya ki.

Tarzama E Kanzul Imaan:- Aur ye tere dahine haat me kai hai? Ye Musa! Arz ki : Ye mera Asa hai, Main iss par takya (Tek va Sahara) lagata hun aur iss se apni bakriyon par patte jhadata hun aur mere iss me aur kam hain.

MaAribu Ukhra (Dusre Kamon) ki tafsir me hazrate allama abul barkat abdullah bin ahmad nasfi Alaihi Rahamat ne farmaya ki maslan:

1. Uss ko saat me le kar uss ke sahare chalna.
2. Uss se baat chit kar ke dil bahalana.
3. Din me uss ka darakht ban kar Aap par saya karna.
4. Raat me uss ki dono shakhon ka roshan ho kar Aap ko roshni dena.
5. Uss se dusmano,Darindon aur Sampon,Bichchuon ko marna.
6. Kuvven se pani bharne ke waqth uss ka rassi ban jana aur uss ki dono shakhon ka dhol ban jana.
7. Ba waqht te zarurath uss ka darakht ban kar hasbe khwahish fal dena.
8. Uss ko zamin me gad dene se pani nikal padna vaghaira.

Hazrate Nabi Musa Alaihis Salam iss mukhaddas lathi se mazkura bala kam nikalte rahe magar jab Aap firon ke darbar me hidayat farmane ki garaz se tashrif le gaye aur uss ne Aap ko jadugar kaha kar jhutlaya to Aap ke iss Asa ke zariye bade bade mojizath ka zuhur shuru ho gaya, jin me se tin mojizath ka tazkira Quran E Majid ne bar bar farmaya jo hasbe zail hai.

Asa Hasdah ban gaya

Iss ka vakhiya ye hai ki firon ne ek mela lagvaya. Aur apni puri saltanat ke jadugaron ko jama kar ke Hazrate Nabi Musa Alaihis Salam ko shikasth dene ke liye mukhable par lagadiya. Aur uss mele ke izadaham me jahan lakhon insano ka majma tha, ek taraf jadugaron ka hukum apni jadugari ka saman le kar jama ho gaya. Aur uss jadugaron ki foz ke mukable me Hazrate Nabi Musa Alaihis Salam tanha dat gaye. Jadugaron ne firon ki izzath ki khasam kha kar apne jadu ki lathiyon aur rassiyon ko fenka to ek dam vo tathiyan aur rassiyan samp ban kar pure maidan me har taraf funkaren mar kar dodne lagin aur pura majma khof va hiras me bad havas ho kar idar udhar bhagne laga aur firon aur uss ke tamam jadugar iss kartab ko dikha kar apni fatah ke ghamand aur gurur ke nashe me bad mast ho gaye aur joshe shadmani se taliyan baja baja kar apni masarrath ka izhar karne lage ki itne me nagaha hazrate nabi musa Alaihis Salam ne khuda ke hukum se apni mukhaddas lathi ko un sampon ke huzum me dal diya to ye lathi ek bahut bada aur nihayat haibat nak azdah ban kar jadugaron ke tamam sampon ko nigal gaya. Ye mojiza dekh kar tamam jadugar apni shikast ka yetiraf karte huve sajde me gir pade aur ba avaze buland yelan karna shuru kar diya ki "Amanna Bi Rabbi Haruna Va Musa" Yani ham sab Hazrate Harun aur Hazrate Musa Alaihis Salam ke raab par imaan laye.

             Chunanche, Quran E Majid ne iss vakhiye ka Zikr karte huve Irshad farmaya Ki.

Tarjuma E Kanzul Imaan: Bole ye Musa ya to tum dalo ya ham pahale dalen, Musa ne kaha balki tumhi dalo jabbhi  un ki rassiyan aur lathiyan un ke jadu ke zor se un ke khayal me dodti malum huyi to Aap ne ji me Musa ne khof paya, Ham ne farmaya dar nahi beshak tu hi ghalib hai aur dal to de jo tere dahine haath me hai vo un ki banavaton ko nigal jayega vo jo bana kar laye hain vo to jadugar ka fareb hai aur jadugar ka bala nahi hota kahin ave, to saab jadugar sajde me gira liye gaye bole ham uss par imaan laye jo haroon aur musa ka raab hai.

Asa Marne Se Chashme Jari Ho Gaye:

Bani Israyil ka asal vatan mulke shaam tha lekin hazrate Yusuf Alaihis Salam ke daure hukumat me ye log misar me Aa kar abad ho gaye aur mulke shaam par khome amalika ka tasalluth aur kabza ho gaya.Jo badtarin khism ke kuffar the.Jab firon darya Neel me gharkh ho gaya aur hazrate Nabi Musa Alaihis Salam ko firon ke khatarath se itminan ho gaya to Allah Tala ne hukum diya ki khone Amalka se jihad kar ke mulke shaam ko un ke khabze va tasalluth se azad karayen. Chunanche, Aap 6 Lack bani Israyil ki foj le kar jihad ke liye ravana ho gaye magar mulke shaam ki hudud me pahunch kar bani israyil par khome amalaka ka yesa khof suvar ho gaya ki bani israyil himmat har gaye aur jihad se muh fer liya. Iss nafarmani par Allah Tala ne bani israyil ko ye saza di ki ye log chalis baras tak " Maidane Tiha" me bhatakte aur ghumte fire aur iss maidan se bahar na nikal sake. Hazrate Musa Alaihis Salam bhi in logon ke saath maidane tiha me tashrif farma the. Jab bani israyil iss be Aabo gayah maidan me bhuk va pyas ki shiddat se be kharar ho gaye to Allah Tala ne hazrate nabi musa alihis salam ki dua se in logon ke khane ke liye "Manna Va Salva" asman se utara .Manna Shahad ki tarha ek khisam ka halva tha, aur salva buni huyi bateren thi. Khane ke baad jab ye log pyas se betab hone lage aur pani mangne lage to hazrate nabi musa alaihis salam ne patthar par apna asa mar diya to uss patthar me barah(12) chashme fut kar bahane lage aur bani israyil ke barah khandan apne apne ek chashme se pani le kar khud bhi pine lage aur apne janvaron ko bhi pilane lage aur pure chalis baras tak ye silsila jari raha. Ye Hazrate Nabi Musa Alaihis Salam ka mojiza tha jo asa aur patthar ke zariye zuhur me aya. Quran E Majid ne iss vakhiye aur mojize ka bayan karte huve irshad farmaya ki.

Tarjuma E Kanzul Imaan: Aur Jab Musa ne Apni Khom ke liye pani manga to ham ne farmaya uss patthar par apna asa maro foran uss me se barah(12) chashme baha nikle.Har guroh ne apna ghata pahchan liya.

Asa Ki Maar Se Darya Fat Gaya:

Hazrate Nabi Musa Alaihis Salam ek muddate daraz tak firon ko hidayat farmate rahe aur ayat va mojizat dikhate rahe magar uss ne haq ko kabul nahi kiya bilki aur ziyada uss ki shararath va sarkashi badti rahi. Aur bani israyil ne chunki uss ki khudayi ko taslim nahi kiya iss liye uss ne in moaminin ko bahut ziyada zulmo sitam ka nishan banaya. Iss doran main ek dam Hazrate Nabi Musa Alaihis Salam par vahi utari ki Aap apni khom bani Israyil ko apne saath le kar raat me misar se hijrat kar jayen. Chunanche,Hazrate Nabi Musa Alaihis Salam Bani Israyil ko hamraah le kar raat me misar se ravana ho gaya.

Jab firon ko pata chala to vo bhi apne lashkaron ko saat le kar bani israyil ki giraftari ke liye chal pada. Jab dono lashkar ek duste ke kharib ho gaye to bani israyil firon ke khof se chikh pade ki Aab to ham firon ke haton giraftar ho jayenge aur bani israyil ki pozision bahuth nazukh ho gayi kuin ki in ke piche firon ka khoon khwar lashkar tha aur age maujen marta huva darya tha. Iss pareshani ke alam me Hazrate Nabi Musa Alaihis Salam mutmayin the aur bani israyil ko tasalli de rahe the. Jab darya ke pas pahunch gaye to Allah Tala ne Hazrate Nabi Musa Alaihis Salam ko hukum farmaya ki tum apni tathi darya par mar do. Chunanche, Junhi Aap ne darya par lathi mari to foran hi darya me barha (12) sadken ban gayi aur bani israyil un sadkon par chal kar salamati ke saath darya se paar nikal gaye. Firon jab darya ke kharib pahuncha aur uss ne darya ki sadkon ko dekha to vo bhi apne lashkaron ke saath un sadakon par chal pada. Magar jab firon aur uss ka lashkar darya ke bich me pahuncha to achanak darya mauje marne laga aur saab sadken khatam ho gayi aur firon apne lashkaron samet darya me garkh ho gaya. Iss vakhiye ko Quran E Majid ne iss tarha bayan farmaya ki.

Tarjuma E Kanzul Imaan: 

        Fir jab amna samna huva dono gurohon ka, Musa valon ne kaha ham ko unhon ne Aa liya. Musa ne farmaya : Yun nahi beshak mera raab mere saath hai vo mujhe ab raah deta hai. To ham ne musa ko vahi farmayi ki darya par apna asa mara to jabhi darya fat gaya to har  hissa ho gaya jaise bada pahad. Aur vo karib laya ham dusron ko aur ham ne bacha liya musa aur uss ke sab saath valon ko fir duston ko dabo diya beshak iss me zarur nishani hai aur un me aksar musalman na the.

Ye hain Hazrate Nabi Musa Alaihis Salam ki mukhaddas lathi ke zariye zahir hone vale vo tino Azimushshaan Mojizath jin ko Quran Ne Karim ne mukhtalif alfaz aur muta Addid unvano ke saath bar bar bayan farma kar logon ke liye ibrat aur hidayat ka saman bana diya hai.

Read More

ANJEER YANI FIGS KE FAIDE

Fig yani Anjeer ek mazedar,Sehath mand aur bahuth kamo me istemal hone vala fal hai.iss ke pake fal ko log khate hain.sukhaya fal meve ke tarikhe yani dried food ke hisab se bikta hai. Sukhe fal ko tukde-tukde karke  ya pis kar dood aur chini ke saath khaya jata hai.iss ka mazedar zaim( fal ke tukdon ka murabba) bhi banaya jata hai.Sukhe fal me chini ki mikdar lagbhag 62% aur taze pake fal me 22% hoti hai.isme calcium aur vitamin"A" aur "B" kafi mikdar me paya jata hai. Anjeer or Figs ke istemal se khabz door hoti hai.Sehath achchi rahati hai aur kamjori door hoti hai.saath me khansi bhi khatam ho jati hai.

Star Anise Ke Sehatmand Faide

Anjeer me carbohydrate 63%,Protein 5.5%,Seluloz 7.3%,Chiknayi 1%,Mineral salt 3%,Acid 1.2%,Raak 2.3%,aur pani 20.8% hota hai. Iske Alava 100 gram Anjeer me lagbhag 1 gram ka chavtha hissa Iron,Vitamin, thoda sa Chuna,Potassium,Sodium,Sulfur,Phosphoric acid Aur gond bhi paya jata hai.

Ayiye ham Aap ko batate hain ki healthy fruit Anjeer(figs) ke istemal se kai-kai faide ho sakte hain.

1. Anjeer me digar fa'lon ke mukable me behtar gizayiyath hai.
2. Anjeer Bavasir ko khatam kar deta aur jodon ke dard ke liye mufid hai.
3. Anjeer nahar muh khane ke ajibo gharib faivayid hai.
4. Khushk anjeer sakht ho to un ko kamo besh 25 minute pani me bhigo dijiye aur dho kar chaon me sukha dijiye Insha Allah Azzawajal narm ho jayenge.sabjiyan,fal,khushk meve vaghaira mumkina surath me dho kar hi istimal kiye jayen taki jarasim kushk adviya ka asar dhul jaye.
5. Agar khooni Bavasir ho to panch adad anjeer tukde kar ke pav bhar dood me ubal kar thanda kar ke rozana sone se pahale kha lijiye.Insha Allah Azzavajal thode hi dino me khoon band ho jayega.ye amal mustakil jari rakhen to bahuth achcha hai.
6. khushk Bavasir ke sabab bahuth dard ho to pani me ek chamcha shahad mila kar uss ke saath nahar muh yani nashte se kabl aur agar roza ho to iftar me khali pet panch adad anjeer rozana khalijiyiye.
7. Taza anjeer ka ras nichod kar masson ko lagaya jaye to masse jhad jane ki ummid hai.
8. Jin ko Bavasir ki taklif kam magar bad hazmi zaida ho vo har kahne se kabl 3 adad anjeer kha len.
9. Jin ke pet me bhoj ho jata ho vo har bar khana khane ke baad 3 adad anjeer kha len.
10. Ye fal mote pet ko chota karta aur motapa door karta hai.
11. Kamar ke dard vale rozana saath(7) adad me iss fal kha liya karen.
12. Jis ko khabz rahata ho vo rozana nahar  muh 5 adad iss fal ko kha len.
13. Anjeer khane se haiz ke khoon me yizafa aur dood me zaidati hoti hai.
14. Ye fal me khansi aur dame ka ilaj hai.
15. Ye fal chehre ka rang nikhar ne ke liye mufud hai.
16. Aur Ye fal  purani balghami khansi ke liye nafa baksh hai.
17. Anjeer balgham ko patla kar ke nikal deta hai.
18. Anjeer ka guda bukhar ke doran mariz ke muh ko khushk nahi hone deta
19. Methi ke binj aur anjeer pani me paka kar khub gada kar ke uss me shahad mila kar khane se khansi ki shiddat me rahat hoti hai.
20. Ye fal Gurda aur Masan(Yani peshab ki theli)ki sojish ke liye mufid hai.
21. Safed anjeer sab se behtarin mana jata hai.ye gurda,masana aur pitte ki paththari ko hal kar ke nikal deta hai.
22. Agar kisi ke gurde fel hon aur vo tavil muddath tak anjeer istimal kare to "Bi Fadlihi Tala" uss ko sehath mil sakti hai.
23. Iss fal ne  pet ki rih ko bahar nikalta hai.
24. Anjeer aur badam mila kar kayen to pet ki aksar bimariyan door bhaghti hai.
25. Anjeer halaq ki sojish.sine ke bhoj aur fefdeon  ki sujan me fayda karta hai.
26. Ye fal jigar aur tilli ko saaf karta hai.
27. Ye fal jigar aur pitte ke sudde yani gandi ganthon ko nikalta hai.
28. Ye fal chati ki purani sojish ke liye nafa bakhsh hai.
29. Anjeer ko josh diye huye pani ke gharare karne se masudon aur gale ki sojish kam hoti hai.
30. Khushk anjeer ko jala kar uss ki rakh se manjan karne se danth ka mail aur dhabbe door hote hain.
31. Jav Sharif ki roti aur anjeer mila kar khana mutaAdda dimaghi amraz ka ilaj hai.
32. Ye fal  Blood Pressure(B.P) aur kolestrol(Cholestrol) ke mariz ke liye mufid hai.

Iss fal me bahut sari chote bade bimariyan ka ilaj kiya jata hai lihaza iss fal ko roz marra jindagi me istemal karte rahe aur sehathmand rahe.

Read More

KALONJI KE FAIDE

Kalonji ko mukhtalif namon se pukara jata hai. Kala Dana yani black seeds,Nigella seeds,Nigella sativa kar ke bhi pukara jata hai.

Kale Dane ke faide (Benefits of Black Seed Oil)

Kale Dane Yani Kalonji ke faide deen e islam me ise bahuth aham mana jata hai aur iss me har bimari ki dava hai. iss ke kuch faide niche iss tarha hai.

1. Farmane Mustafa Sallallahu Alaihi O Sallam : Kala Dana Yani Kalonji me Mauth ke siva har bimari ki shifa hai.[Bukhari Sharif. J4.S19. Hadis.7865] Mufassire Shahir Hakimul Ummat Hazrate Mufti Ahmad Yar Khan Alaihi Rahamath Ullah Anha Farmate hain: Har marz se murad har Balghami aur rutubat ke Aamraz hain kuin ki kalonji garm aur khushk hoti hai lihaza martub aur sardi ki bimariyon me mufid hogi.( MiraAt Sharhe Miskath, J6,S216).
2. Rozana nahar muh chutki bhar kalonji takriban 12 Khatre asli shahad me mila kar "Bismillahir rahamanirrahim" pad kar shahadat ki ungli se chatiye Insha Allah Azzawajal bahuth si bimariyan khatam ho jayengi.
3. Kalonji ko jala kar khana bavasir ko door karta hai.
4. Kalonji khane se pet ke kide mar jate hain.
5. Black Seed ko tel me josh de kar saar me vo tel lagane se Sir Dard ,Nazla aur zukham me faida hota hai.
6. Agar khushki ki vajah se sir par papadiyan si ban gayi ho to kalonji khane se khatam ho jati hai.
7. Kalonji ko pani me josh de kar gargare karne se danton Ka dard door hota hai.
8. Peshab na ane ki surat me Kalonji ke khane se peshab khul kar Aa jata hai.
9. Kalonji me sirka mila kar khane se Balghami varam  door hota hai.
10. Zaitoon ke tel me Kalonji dal kar sundh ne se Aankhon ka dard jata rahata hai.
11. Kaladana balghami bukhar ke liye mufid hai.
12. Kaladana haiz ki rukavat ko door karti hai.
13. Kalonji Sirke me milakar Bars(koda)par lagane se fayda hota hai.
14. Fonten ki sujan me kalonji pis kar sirke me mila kar lagayen to faida hai.
15. Kalonji pis kar mehandi me mila kar saar me lagane se saar ke baal jhad na band hote hain.
16. Kalonji ka istimal sine ke dard aur khansi me mufid hai.
17. Ghar me kalonji ki dhooni dene se khatmal aur machchar ka khatima hota hai.
18. Dimagh ki bimari ho to kalonji ke ikkis yani(21) dane kapde ki potli me bandh kar pani me ubaliye.pahle din sidhe nathne me 2 khatre ulte nathne me 1 khatra.Dusre din ulte nathne me 2 khatre aur sidhe nathne me ek khatra daliye. Insha Allah Azzawajal 3 din me shifa hasil ho jayegi.
19. Kalonji Shahad ke saath khane se (Gurde masane ki ) pathtari nikal jati hai.

Read More

Danton(Teeth) Ki Mazbutika Ka Raaz

The strenght of the teeth Yani danton ki mazbuti : Ek Sahib jin ki umar 100 baras se kuch kam thi apne donton(teeth) se ganna (Sugarcane) kha lete the aur farmate the ki jab sugarcane khata hun to mere danton (tooth) par javan admi rashk karte hain. Kisi ne un se danton-teeth ki mahafuzi aur mazbuti ka sabab daryaft kiya to farmaya: "Alaa Hazrat Rahamath Ullahi Tala Alai ne muze bachpan me ye amal bataya tha ki isha ke vitr jab pade jayen to pahli rakat me ba'de Al hamd surah "Iza JaAa" dusri me "Tabbat Yada" aur tisri me suratul "Iqlas" padne se dant-teeth umr bhar har taklif se mahafuz rahte hain. Jab se main isi tarha padta hun aur isi amal ki ye barkat hai"

Danton(Teeth) aur kano(Ear) Ki Hifazat ka Asan Amal

Jab chink aye to Alhamdulillahi kahe aur agar Rabbil Alamin bhi bada de yani "Alhamdulillahi Rabbil Alamin" kahna bahut hi behtar hai. Hazrate Maula Mushkil Kusha, Aliyul Murtaza,Shere Khuda Karamallahu Tala Wajhahul Karim Farmate hain. Jo shaks chink ane par par "Alhamdulillahi Rabbil Alamin Ala Kulli Hala" kahega use kabhi Daad aur kaan(ear) ka dard na hoga. Insha Allah Azzawajal Mufassire Shahir hakimul Ummath Hazrate Mufti Ahmad Yar Khan Alaihi Rahamatulla farmate hain: Jo koi shaks chink par kahe: "Alhamdulillahi Rabbil Alamin Ala Kulli Hala" aur apni zaban sare danton par fer liya kare to Insha Allah Azzawajal Danton(teeth) ki bimariyon se mahfuz rahega, mujarab (Yani Tajriba shuda amal) hai.[Miratul Manazh,J.6,S.396) Bahare Shariyat Jild 3 Safha 477 par hai: Chink ne wale se pahle hi sunne bale ne  Alhamdulillahi kaha to ek hadis me aya hai ki ye shaks donton(teeth) aur kanon(ear) ke dard aur tukhma se mahfuz rahega aur ek Hadis me hai ki kamar ke dard se mahafuz rahega.

Danth kamzor (Dental Weak) Hone Ki Ek Wajah

Khane ke Baad Khilal Kijiye Na karne se danth(teeth) kamjor ho jate hain.

Danton(Teeth) Ke Dard ke Do(2) Ilaj

1. "Hing" ko pani me josh de kar kulliyan karne se danton ka dard door hota hai.
2. Hilte huye danton me dard ho to "Hing" Ya " Akhar kharha" dant (tooth) me dabane se aram Aa jata hai.Masudon ki sujan door hoti hai.

 

Danton ka Khoon (Blood Teeth) Band Karne Ke Liye 5 Ilaj

1.  Garam tavve vaghaira ke zariye fulayi huyi fitkari ka powder masudon me lagayiye.
2. Limbu ka raas masudon par mali;ye.
3. Seb ke raas me khane ka soda mila kar masudon me lagayiye.
4. Din me tin martaba lal tamatar ka raas thoda thoda pi lijiye.
5. Anar ke phool chaon me sukha kar khoob barik pis kar botal me bhar lijiye subah va sham manjan ke tarikhe par danton par maliye Insha Allah Azzawajal Khoon band ho jayega aur hilte dant bhi mazbut honge.

Danton Ka Pilapan(Yellowing of Teeth) Door Karne Ke 3 Ilaj

• Til ka tel, Limbu ka raas aur namak mila kar danton(teeth) par malne se Danton ka Pilapan(yellowing of teeth) door hota, Khoon band aur dard bhi door hota hai.
• Limbu ke chilke sukha kar,pis kar uss me namak mila kar danth manjiye(brushing teeth) Insha Allah Azzawajal chamakdar ho jayenge.
• Tin hisse namak aur ek hissa khane ka soda mila kar dibiya me rakh lijiye,rozana danton-teeth par laga kar do tin minute rahne dijiye fir dant-teeth manj lijiye Insha Allah Azzawajal dant saaf(clean teeth) ho jayenge.

Danton Se Pip Aane Ke 4 Ilaj

1. Gandum ki chapati salan ke saath khoob achchi tarha chaba kar khayiye iss tarha masudon ki varjish bhi hogi aur gandum payeriya ke liye mufid bhi hai. Niz achchi tarha khoob chaba kar khane se bahut sari bimariyon se tahaffuz bhi hasil hota hai (Agar chabane ke doran khoon ya pip ata ho to ye ilaj mat kijiye varna khoon ya pip pet me jayega).
2. Palak ka raas pina bhi mufid hai, Behatar hai ki iss me gajar ka raas bhi shamil kar lijiye.
3. Amrud ke darakht ki  kumpalen (Naye narm patte) munasib mikdar me khayiye.
4. Handa, namak aur kali mirch ham vazan barik pis lijiye aur iss se din me 2 bar manjan kijiye Insha Allah Azzawajal masudon ki sujan aur payeriya ka behtarin ilaj hai.

Danton ke Tamam Amraz (All Dental Problems) Ka Ilaj

Miswak Danton ke tamam amraz ka ilaj hai jab ki iss ko usul ke mutabik kiya jaye. Aaj kal aksar log shayad miswak nahi, Fakhat "Rasme Miswak" ada karte hain. Aur miswak karna sunnat hai. miswak ke kuch faide niche diye gayi hai.

1. Miswak ki motayi chungliya yani choti ungali ke barabar ho.
2. Miswak ek balisht se jaida lambi na ho varna uss par shaitan bait ta hai.
3. Miswak ke reshe narm ho ki sakht reshe danton(teeth) aur masudon ke darmiyan khalaA(gap) ka bayis bante hain.
4. Miswak taza ho to khoob varna kuch der pani ke gilas me bhigo kar narm kar lijiye.
5. Miswak ke reshe rozana katte rahiye ki uss waqht tak kar amad rahte hain jab tak in me talkhi bakhi rahe.
6. Danton(teeth) ki chodayi me miswak kijiye.
7. Jab bhi miswak karna ho kam Aaz kam tin bar kijiye.
8. Har bar dho lijiye.
9. Miswak sidhe haat me iss tarha lijiye ki chungliya iss niche aur bich ki tin ungliyan upar aur anghuta sire par ho.
10. Pahle sidhi taraf ke upar ke danton par fir ulti taraf ke upar ke danton par fir sidhi taraf niche fir ulti taraf niche miswak kijiyel.
11. Chit lait kar miswak karne se tilli bad jane aur mutthi band kar karne se bavasir ho jane ka andesha hai.
12. Miswak wazu ki sunnate khabliya hai albatta sunnate muakkada usi waqht hai jab ki muh me badbu ho.
13. Miswak na khabile istimal ho jaye to fenk mat dijiye ki ye alya adaye sunnat hai, kisi jagah ehtiyat se rakh dijiye ya dafan kar dijiye ya patthar vaghaira vazan band kar samundar me dabo dijiye. Miswak ya mukhaddas avrakh vaghaira kinare par dal dene se baha kar vapas Aa jane ka imkan rahta hai.gahare samundar me dalte waqht bhi mukhaddas avrakh ke thele ya bori me do ek jagah shigaf yani chire vaghaira jaroor daliye taki pani andar Aa jaya aur tah me bitha de(Tafsili malumat ke liye bahare shariyat  jild avval s.294 ta 295 ka mutaAla farma lijiye) 

Taking Care Of  Teeth (Danton Ki Hifazat) Ke 3 Nuskhe

1. Hamesha chay ya kafi pine ke baad thoda thoda pani piyale me dal kar khoob hila kar kulli bhar lijiye aur chand baar muh me fira kar  khoob jumbishe de kar pi lijiye ya nikal dijiye, yesa hi tin bar kijiye. Isi tarha har Ghiza khane ke baad bhi ye amal kijiye.Insha Allah Azzawajal Danth saaf rahenge.
2. Jab bhi mokha mile muh me kulli bhar lijiye aur chand minat tak hilate rahiye fir ugal dijiye.ye amal rozana mukhtalif avkat me chand bar kijiye.
3. Agar mazkura andar par kulliyon ke liye sada pani ke bajay namak vala nim garam pani istimal kiya jaye to mazid mugid hai.agar pabandi se ye ilaj jari rakhenge to insha allah azzawajal danton ke darmiyan atke huye ghiza ke azza dhool dhoo kar nikalte rahenge, na voh masudon me tahrenge ki saden, Insha Allah Azzawajal iss tarha karne se masudon me khoon ki shikayat bhi na hogi aur danton ki  be shumar bimariyon se bache rahenge.

Danton Ko Bimari Se (Dental Disease) Bachane ka behtarin Nuskha

Yaad rahe! Dat'Kar khane se hazima kharab hota, tarha tarha ki bimariyan paida hoti aur aksar masudon se khoon bhi ata hai. Pet ka kufle madina lagane yani bhuk se kam khane ki adat banayiye.Pizza,Parote,Hotel ki nahariyon,Kabab Samoson,Mithayiyon,Pakodon,Puriyon,Kchoriyon aur AnvaA va aksam ki tali huyi chijon ,tarha tarha ki mithi dishon aur isi tarha ki digar de se hazam hone vali gizaon niz ayskrimon,kola mashrubon aur thande thande sharbaton vaghaira ke istimal se parhez kijiye. Insha Allah Azzawajal Motape sameth bahut sari bimariyon ke saat saat masudon se ane vala khoon bhi band ho jayega.

Read More